Baxannonke Kalaqaanchinke Ninke Daafira Hedanno

1. KALAQAANCHINKE ARRISHSHO FUSHSHANNO

Arrishsho hoogoommero uullate aana heeshshote yinanniri diheeꞌranno. Arrishsho, haqqe daro fushshitanno gede, daraartanno gedenna guma laaltanno gede kaaꞌlitanno. Qoleno arrishsho, haqqe rumushshu widoonni bushshu giddonni waa adhite darchoho sayissanno gedenna wayi foorare ayyarete giddora eanno gede assitanno.

Ilaalaame uullara kaansoonniha shaete kaashsho.

2. KALAQAANCHINKE XEENA GANANNO

Xeenu, muxxe Maganu eltooti; baatto inteemmo sagale fushshitannohu xeena afidhurooti. Maganu gordunni xeena dirrisanno, hattono gidu laalanno wogga heedhanno gede assino; konni garinni sagale oye hagiirrunni wodananke kassi assanno.

Ceicho sinu aana rarraˈe uwanni noo guma adhate shembeephitanni no.

3. KALAQAANCHINKE SAGALENNA UDDANO AANNONKE

Batinye annuwa maatensara gari sagalenna uddano shiqishate yaaddanno. Maganu Qaali yaannota wodanchi: “Hanni iima buubbanno cea laꞌe; insa diwixidhanno; dimixxitanno; [gootaaraho] diwodhitanno. Ikkollana gordu Anniꞌne itisannonsa. Kiꞌne cea lowo geeshsha diroortinanni?”—Maatewoosi 6:25, 26.

“Dubbu daraaro ikkite lophitanno gara laꞌe. . . . . ; Ani yeemmoꞌneti kayinni, [Moote] Selemooni nafa kunni baalu ayirrinyisinni daraarote giddonni mittu daraarchi gede diuddiꞌrino. . . . Maganu . . . [hayisso] togo asse uddisiisannoha ikkiro, kiꞌne hiitto roorse diuddisiisannoꞌne?”—Maatewoosi 6:28-30.

Sagalenna uddano aannonke Magani, heeshshote hasiisannore wolereno afiꞌneemmo gede kaaꞌlannonketa dihuluullammeemmo. Maganu fajjo wonshineemmoha ikkiro, isi loosiꞌne sagale fushshiꞌneemmo gede woy hasiisannonkere hidhineemmo woxi heeꞌrannonke gede looso afiꞌnammora kaaꞌlankera dandaanno.—Maatewoosi 6:32, 33.

Addanko, arrishsho, xeena, ceanna daraaro hendeemmo woyite, Magano banxeemmo gede assannonkehu ikkadu korkaati no. Aane noo birxichira, Kalaqaanchinke mannu oosora sokkasi kulino gara ronseemmo.