“Annakkinna Amakki Ayirrisi”

Yesuusi uullate aanna noo yannara “Annakkinna amakki ayirrisi” yitanno hajajo lowo geeshsha hasiissannota ikkitinota coyiꞌrino. (Fu 20:12; Mt 15:4) Yesuusi umisi annisiranna amasira ‘hajajamino’ daafira wolootuno tenne assitanno gede hajaja dandiino. (Lu 2:51)Yesuusi lophi gedensaannino amasira hedannota leellishino; isi reyihu gedensaanni amasi tawaatannoha qixxeessino.—Yoh 19:26, 27.

Xaa yannarano wedellu Kiristaani anninsaranna amansara hajajantenna awu afiinni hasaawisse insa ayirrissannota leellisha dandiitanno. Anninkeranna amankera woꞌmanka wote hajajamma hasiissannonke. Insa geedhiro nafa hayyotenni amaalannonke amaale macciishshine ayirrinseemmonsata leellisha hasiissannonke. (La 23:22) Qoleno geedhino annankenna amanke hedonsa huwante woy woxu kaaꞌlo hasiissannonsaha ikkiro kaaꞌline ayirrinseemmonsata leellisha dandiineemmo. (1Xi 5:8) Wedellano ikkino jajjabba, anninkenna amanke ledo awu afiinni hasaawa hasiisannonke; tini insa ayirrinseemmota leellishshanno.

ANNIꞌYANNA AMAꞌYA LEDO HASAAWATE MAA ASSO? YITANNOTA WAAJJU SALEEDI VIIDIYO LAꞌINI GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Annikkinna amakki ledo hasaawa qarrisannohehu mayira ikkara dandaanno?

• Annikkinna amakki ledo hasaawatto wote ayirrisattonsata leellisha dandaattohu hiittoonniiti?

  

• Annikkinna amakki ledo hasaawate woꞌnaala kaaꞌlitannohehu hiittoonniiti? (La 15:22)