Baxillu Addu Kiristaana Ikkinoommota Leellishanno—Mereeroꞌne Noo Mittimma Baꞌannokki Gede Agadhe

HASIISSANNOHU MAYIRAATI? Yesuusi reyara albaanni noo hashsha rosaanosi “coꞌonta mitto” ikkitanno gede huucciꞌrino. (Yoh 17:23) Mitto ikkine heeꞌrate, ‘koma kiirannokki baxilli’ noonketa leellisha hasiissannonke.—1Qo 13:5.

TENNE ASSA DANDIINANNI GARA:

• Mannaho danchare assitine Yihowa lawishsha harunse

• Mulla gatona yiiyye

• Qarra ikkinore tirtinihu gedensaanni, wirro higgine kayissinoonte.—La 17:9

“MEREEROꞌNE BAXILLU HEEꞌRO”—KOMA AMADDINOONTE YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Viidiyonnihu umi gafira Heleni koma amaddannokkita ikkase leellishshinohu hiittoonniiti?

• Viidiyonnihu layinki gafira Heleni gara ikkitinokki hedo qeeꞌlite gara ikkitino lao heedhannose gede assidhinohu hiittoonniiti?

• Yannate gedensaanni Heleni songote mittimma heedhanno gede kaaꞌlitinohu hiittoonniiti?