Kuni Baalu Ikkinohu Muushshi Yitinohuraati!

Heleni borrote gaare mule uurrite muushshi yitanni no. Lame seenni haˈranni no.

BAAGIYO yinannihu Filippiinsete katamira lame seenni dikkiꞌrara haꞌranni no. Insa gudumaaleho gaare worre sabbankanna lainoha ikkirono shiqe dimarino. Gaarete mule uurrite nooti Heleni yinanni rodoo insa laꞌanni muushshi yitu. Seennu sae haꞌrinoha ikkirono Heleni muushshi yitino gari dhagge ikkinonsa.

Seennu gedensoonni otobisetenni qaera higanni heeꞌre, Gambooshshu Addaraashera gannoonniha jw.org malaate lai. Insa konne malaate wona gaarete aana lainota qaagi. Lamenti otobisetenni dirre Gambooshshu Addaraashe ei; hakkiicho xullote songuwa gambooshshe assidhanno pirogiraame gannoonnita lai.

Hakkuri lame seenni Gambooshshu Addaraashe giddo Heleni laˈˈanni muushshi yaanni no.

Lamenti hakkunni gedensaanni assinoonni gambooshshe haꞌri. Gambooshshu Addaraashe haꞌrinowa Heleninni xaadi! Insa muushshi yitinoti ise ikkitinota bayichonko afi. Heleni, “Insa anewa dayita ma assoomma ikka yee shiima geya masoomma” yitino. Seennu kayinni mayira dayinoro Helenira kulise.

Lamenti seenni gambooshshe lowo geeshsha baxino; qoleno roduuwa diborsino. Roduuwu Gambooshshu Addaraashe fiitanna laiti ‘Kaaꞌlinoꞌneni?’ yee xaꞌmino. Mitte wole gobba hadhinoha ikkirono, tiꞌi kayinni gambooshshe haꞌranna Qullaawa Maxaafa xiinxalla hanaffino. Kuni baalu ikkinohu Heleni muushshi yitino daafiraati!