Baxillu Addu Kiristaana Ikkinoommota Leellishanno—Halaalu Ledo Hagiidhe

HASIISSANNOHU MAYIRAATI? Yesuusi lawishsha harunsine Maganu hedinore kulanno halaale farciꞌra hasiissannonke. (Yoh 18:37) Heeꞌnoommo alame kaphunna bunshe woꞌmitinota ikkiturono halaalu ledo hagiidha, halaale coyiꞌranna adda ikkinore baala buuxa hasiissannonke.—1Qo 13:6; Fil 4:8.

TENNE ASSA DANDIINANNI GARA:

• Heme macciishshitinannikki gedenna heꞌmitinannikki gede murcidhe.—1Te 4:11

• Woleho qarru iilliro hagiidhitinoonte

• Gara ikkinorinninna jawaachishanno coyinni hagiidhe

“MEREEROꞌNE BAXILLU HEEꞌRO”—FINQILLETENNI IKKIKKINNI HALAALU LEDO HAGIIDHE YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Deebe ‘bunshete ledo hagiidhitinohu’ ma garinniiti?

• Deebe gara ikkinokkire hasaabbuta, Aliise ise kaaꞌlate gara ikkinore hasaabbinohu hiittoonniiti?

• Hasaawa dandiineemmohu mitu danchu coyi maati?