Cincitine Agadhe

Maganu Mangiste agadhitine mageeshshi yanna keeshshitinoonni? Qarra ikkannori heeꞌrirono cincitine agadhitinanni heedhinoonni? (Ro 8:25) Mito Kiristaana mannu giwinonsa, gara ikkinokkire assinonsa, usurroonninsa mito isinni shinoonninsa. Wolu batinyu Kiristaani biso assiꞌrino dhibbi waadannonsata woy geedhimma abbitanno qarra dandee heeꞌranni no.

Addi addi qarri tuncu yiinkerono cincine agadhate kaaꞌlannonkeri maati? Barru baala Qullaawa Maxaafa nabbambenna seekkine hiincine ammananke kaajjishiꞌra hasiissannonke. Hexxonke aanna illachisha hasiissannonke. (2Qo 4:16-18; Ib 12:2) Yihowa huuccattotenni eegamanna qullaawu ayyaanisi wolqa aannonke gede huucciꞌra hasiissannonke. (Lu 11:10, 13; Ib 5:7) Baxillaanchu anninke ‘cincatenni baalanka coye hagiirrunni dandiine’ agadhineemmo gede kaaꞌlannonke.—Qo 1:11.

“CINCATENNI JAWAANTE DODA HASIISSANNONKE”—BAꞌRAAꞌRA ADHITINANNITA HULUULLANTINOONTE YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• 

  Hendoommokkiri mayi iillankera dandaanno? (Ros 9:11)

• 

  Qarru iillannonke woyite huuccatto kaaꞌlitannonkehu hiittoonniiti?

• 

  Yihowara bashsho geeshsha soqqama hoongummoro, xa assa dandiineemmori aanna illachisha hasiissannonkehu mayiraati?

• 

  Baꞌraaꞌra adhineemmota huluullammeemmokki gede kaaꞌlannonkeri maati?