KIRISTAANU HEESHSHO
Yihowa Qarra Qeelle Saꞌneemmo Gede Kaaꞌlannonke
Tenne goofimarchu yannara lowo qarri iillannonke. Mito woyite iillinonke qarri wolqankera aleenni ikkinoha lawankera dandaanno. Ikkirono Yihowawa shinqummoro isi iillinonkeha buutote qarra nafa dandiine saꞌneemmo gede kaaꞌlannonke. (Is 43:2, 4) Qarru iillannonke woyite Yihowawa shiqa dandiineemmohu hiittoonniiti?
Huuccatto. Huuccattotenni giddonketa Yihowara hasaaphinummoro isi giddoyidi keerenna qarra dandiine saꞌneemmo gede jawaante aannonke.—Fil 4:6, 7; 1Te 5:17.
Gambooshshe. Ayyaanaamittete sagalenna gambooshshunniwa roduuwinkewiinni afiꞌneemmo jawaante albinni roore hasiissannonke. (Ib 10:24, 25) Gambooshsheho qixxaambeemmohanna dawaro qolleemmoha ikkiro, Yihowahu qullaawu ayyaani kaaꞌlonni woꞌma horo afiꞌneemmo.—Aj 2:29.
Soqqansho. Woꞌmanka woyite soqqansho fulate dandiinummore baala assineemmoha ikkiro, dancha danchare hendeemmo faro afiꞌneemmo. Qoleno Yihowanna ammanate roduuwinke ledo noonke jaaloomi kaajjanno.—1Qo 3:5-10.
YIHOWA ANGA FANE HAAꞌRANNOHE YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Mallu qarru iillise yannara Yihowawa gamba yite heedhanno gede kaaꞌlinoseri maati?
Mallu gede, Faarso 34:18 noo hedo qarru amadannonke yannara sheshifachishshannonkehu hiittoonniiti?
Mallu woꞌnaalshi Yihowa qarru amadannonke woyite “jawa wolqa” aannonketa leellishannohu hiittoonniiti?—2Qo 4:7