Yihowa Xuru Nookki Manna Baxanno

“Anga hayishshidhe. Uduunne raqaxissinoonte. Mineꞌne fiiyye. Ishine fushshitine hunne.” Duuchu annuwinna amuuwi oosonsa xuru nookkire ikka dandiitanno gara rosiissannonsa. Ikkirono, xuru nookkire ikkate daafira kulannoha xintu seera uyinohu qullaawa Maganooti. (Fu 30:18-20; Mar 23:14; 2Qo 7:1) Bisinkenna noonke coyi xurannokki gede assiꞌnummoro Yihowa ayirranno. (1Ph 1:14-16) Mininkenna qooxeessinkena hiittooho? Kai gede ishine tuganni doogonna nafara ishinshanno manni gede ikkikkinni, Kiristaanu qaensa ikkitino uulla ishintannokki gede assate dandiire baala assanno. (Fa 115:16; Aj 11:18) Shiimmaadda coye lawishshaho, mite qorqorruwa, karameellu woy maastiku qosha, woy wayi hayilaande tungeemmo gari xalallete hiitto lao noonkero leellishanno. Heeshshonke baalantenni, “Maganu soqqamaano ikkanke leellinsheemmo.”—2Qo 6:3, 4.

MAGANU XURU NOOKKI MANNA BAXANNO YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Mitu manni noonsa coye xurannokki gede assiꞌrinokki daafira shiqishanno korkaati maati?

• Muse Seeri Yihowa xalallete noosi lao leellishannohu hiittoonniiti?

• Mittoreno coyiꞌnummokkinni Yihowa daafira farciꞌra dandiineemmohu hiittoonniiti?