Yihowara Dandiitinannire Uyiyye

5:5-7, 11

Israeelete daga mereero nooha aye manchono angate anje Yihowa ledo keere kalaqiꞌrannota hooltasira didandiitanno. Lowo geeshsha buxino manchi nafa dandaannore shiqishiꞌri geeshsha, kakkalosi Yihowa hagiirsiissanno. Togoo manni bullee shiqishiꞌra dandaanno; kayinni Yihowa, shiqishidhanno bullee ayirradu wosinira shiqinshannite gedeeta “fila” woy liiqo ikkitara hasiꞌranno. (Ka 18:6) Xaa yannarano, heeshshonke gari hendoommo geeshsha uyineemmokki gede assinkero nafa, dandiinummo deerrinni uyiꞌneemmota “galatu kakkalo” Yihowa hagiidhe adhanno.—Ib 13:15.

Fayyimmate hoonginni woy dhukikki albihu geeshsha ikka hoogeenna albi gede soqqama hoogittoro, aleenni kulli hedo jawaachishshannohehu hiittoonniiti?