Annuwanna Amuuwa, Oosoꞌne Hasiissannonsa Egenno Afidhanno Gede Asse

Heeꞌnoommo alame busha danchaho, dancha bushaho yitannote. (Is 5:20) Mitu manni Yihowa giwannore lawishshaho, meyati meyate ledo woy labbaahu labbaahu ledo maaeela coye assanno. Muxxe wedellootanke, rosu mini darawonsa woy wolu manni insa ikkitannota ikkitanno gede xixxiiwannonsa. Oosoꞌne togoo fonqolo qeelte saꞌanno gede kaaꞌla dandiitinannihu hiittoonniiti?

Oosoꞌne Yihowa seeri daafira egenno afidhanno gede kaaꞌlensa. (Le 18:3) Qullaawu Maxaafi siimu xaadooshshi daafira mayyaannoro, dirinsa garinni gafu gafunni rosiissensa. (Mar 6:7) Kiꞌneneeto togo yitine xaꞌme: ‘Oosoꞌyara gara ikkino baxille leellishate yaa mayyaatero, bikkunni uddiꞌra hasiissannohu mayiraatiro, wolu manni asse yiinsaro assa hasiissannonsakkiri maatironna mannu noowa assa hasiissannonsakkiri maatiro rosiisoommo? Oosoꞌya, mittu manchi teeda baꞌino misilla leellishansara woꞌnaaliro, woy Yihowa giwannore asse yiinsaro maa assa hasiissannonsaro affino?’ Oosoꞌne balaxxe egenno afiꞌransa, lowo qarrinni gatissannonsa. (La 27:12; Ros 7:12) Oosoꞌne rosiisaꞌne, Yihowa uyinoꞌneta muxxe elto naaddinannita leellishshinanni doogooti.—Fa 127:3.

KAAJJE UURRANNO MINE MINNE—QAAQQUULLEꞌNE ‘BUSHU COYINNI’ AGARRE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• 

  Mitootu oosonsara siimu xaadooshshire rosiisate hobbi ruxxi yitannohu mayiraati?

• 

  Annuwunna amuuwu oosonsa ‘Yihowa amaalenni seejjitanni lossa’ hasiissannonsahu mayiraati?—Ef 6:4

• 

  Annuwunna amuuwu oosonsara siimu xaadooshshire rosiissanno gede kaaꞌlate Yihowa dirijjite maa qixxeessitino?—w19.05 12, saaxine

• Oosoꞌnera qarru iillinsakkinni balaxxine woꞌmanka woyite insa ledo hasaawa rosa hasiissannoꞌnehu mayiraati?