Adhanna Adhamaꞌne Daafannore Hooꞌle

Yihowa, minaanninna minaama adhami woyite eino qaale mulluri gede asse dilaꞌꞌanno. Isi hasatto, insa mimmitu ledo quraanyame heeꞌranno gedeeti. (Mt 19:5, 6) Maganu manni mereero dancha lawishsha ikkannohu batinyu minaannuwinna minaamuwi no. Ikkollana, guuta adhama dino. Hakko daafira, qarru kalaqamanno woyiti no. Minaanninna minaama qarru kalaqamanno woyite, batinyu manni hedanno gede, babbaxxe heeꞌranna adhama diiga qarra tirtanno yee heda dihasiissannonsa. Adhamino Kiristaani adhamansa daafannore hooꞌla dandaannohu hiittoonniiti?

Tennera kaaꞌlitannota onte hedo laꞌno.

1. Galtete calla leellinshanni baxille woleho leellishatewiinni hattono maaeela coye leellishanno boohaarshiwiinni xeertidhine, wodanaꞌne agadhe; togoo akati adhanna adhama hoshooshantanno gedella assanno.—Mt 5:28; 2Ph 2:14.

2. Maganu ledo nooꞌne jaalooma kaajjishidhine, maateꞌne heeshshonni iso hagiirsiisate hasattoꞌne lexxitanno gede assidhe.—Fa 97:10.

3. Haaro mannimma uddiꞌra agurtinoonte; qoleno shiimmaaddareno ikkiro galteꞌne baxxinannita leellishannoha dancha coye asse.—Qo 3:8-10, 12-14.

4. Mimmitu ledo ayirrinyunni, gumu noo hasaawa hasaawate rosichi heeꞌroꞌne.—Qo 4:6.

5. Galteꞌne hasatto shaqqillunninna baxillunni wonshe.—1Qo 7:3, 4; 10:24.

Kiristaanu adhamansa ayirrisannoha ikkiro, adhanna adhama xintinoha Yihowa ayirrisanno.

‘CINCATENNI JAWAANTE DODA’ HASIISSANNONKE—QOLCHANSHOTE WODHO AYIRRISSE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• 

  Minaanninna minaama adhamanno woyite hagiidhannoha ikkirono, hiittoo qarri kalaqamara dandaanno?

• 

  Qullaawu Maxaafihu xintu seeri, mereeronke baxillu dino yee hedanno minaannanna minaama kaaꞌlara dandaannohu hiittoonniiti?

• 

  Adhanna adhama lainohunni Yihowa fushshino seeri hiikkonneeti?

• Adhanna adhama seekkanno gede, minaannino minaamano maa assa hasiissannonsa?