SOQQANSHOTE DANDOOKKI WOYYEESSIꞌRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Qullaawu Maxaafi Rosaanoꞌne Ayyaanaamittete Sagale Sagaꞌlitanno Gede Rosiisse
Qullaawu Maxaafi rosaanonke ayyaanaamittete hasattonsa wonshiꞌratenna ayyaanaamittetenni gikki yaate, ninke rosiinseemmonsa halaali calla diꞌꞌikkannonsa. (Mt 5:3; Ib 5:12–6:2) Insa uminsa ayyaanaamittete sagale sagaꞌlitanno gara rosa hasiissannonsa.
Qullaawu Maxaafi rosaanoꞌne Qullaawu Maxaafi xiinxallora qixxaabbanno gara umonni leellishshensa; qoleno hatto assitanno gedeno jawaachishshensa. (mwb18.03 6) Hojju xiinxallonsa yannara, ayewoteno balaxxe huuccatto assidhanno gede jawaachishshensa. Elektirooniketenni qixxeessinoonni borro afidhanno gedenna horoonsidhanno gede kaaꞌlensa. JW.ORG aananna JW Biroodikaastera haarote fulannore afiꞌra dandiitanno gara kullensa. Qullaawa Maxaafa barru barrunkunni nabbabbanno gede, songote gambooshshira qixxaabbanno gedenna xaꞌmuwansara dawaro afiꞌrate xiinxallitanno gede dirimu dirimunni rosiissensa. Rossinore hiinca dandiitanno gede kaaꞌlensa.
QULLAAWU MAXAAFI ROSAANOꞌNE KAAꞌLENSA . . . AYYAANAAMITTETE SAGALE SAGAꞌLITANNO GEDE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Niita, xiinxallate yaa xaꞌmote dawaro afiꞌra calla ikkitinokkita huwattanno gede Jeedi kaaꞌlitinohu hiittoonniiti?
Jeedi, Yihowa foorretewiinni xooqqe yaasi gara ikkitinota ammantanno gede kaaꞌlinoseri maati?
Rosaanoꞌne gara ikkitino egenno afidhanno garanna hattee egenno horoonsidhanno gara rosiissensa
Jeedi hiincate daafira maa huwattino?