SOQQANSHOTE DANDOOKKI WOYYEESSIꞌRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Qullaawu Maxaafi Rosaanoꞌne Yihowa Ledo Jaalooma Kalaqidhanno Gede Kaaꞌlensa
Yihowa banxe soqqammammosira hasiꞌranno. (Mt 22:37, 38) Qullaawu Maxaafi rosaano biddi assiꞌra hasiissannonsare biddi assidhanno gedenna iillannonsa fonqolo dandiite saꞌanno gede kaaꞌlannonsahu Maganoho noonsa baxilleeti. (1Yo 5:3) Cuuantanno gede kakkayisannonsahuno Maganoho noonsa baxilleeti.
Rosaanoꞌne Maganu baxannonsata affanno gede kaaꞌlensa. Aante noote gedee xaꞌmuwa xaꞌma dandiitinanni: “Tini Yihowa daafira maa rosiissannohe” woy “Tini Maganu baxannoheta leellishshannohu hiittoonniiti?” Yihowa kaaꞌlanni noonsa gara huwattanno gede kaaꞌlensa. (2Du 16:9) Yihowa mitto coye baddine kultine huuccidhinoonni huuccattora dawaro qolinoꞌnehu hiittoonniitiro kullensa; hattono Yihowa insa huuccattora dawaro qolannohu hiittoonniitiro wodanchitanno gede kaaꞌlensa. Qullaawu Maxaafi rosaanonke Yihowa baxannonsata huwattanno woyite hattono insano iso baxxannotanna isi jaala ikka hasidhannota laꞌneemmo woyite lowo geeshsha hagiidhineemmo.
QULLAAWU MAXAAFI ROSAANOꞌNE YIHOWA LEDO JAALOOMA KALAQIDHANNO GEDE KAAꞌLENSA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Jeedira guficho ikkinoseri maati?
Niita Jeedi kaaꞌlitinosehu hiittoonniiti?
Jeedi guficho ikkinosere qeeltinohu hiittoonniiti?