KIRISTAANU HEESHSHO
Ninkera Soqqamate Jawaatte Loossanno
Woradu aliidi laꞌꞌaanonna minaamuwinsa ninketi bushshu yitukkinni wolootaho baxille leellishshanno. Insarano ninkente gede uminsa hasatto noonsa; qoleno mito woyite daafurtara, hexxo mudhitaranna yaaddara dandiitanno. (Ya 5:17) Ikkirono lamalate kiiro towaattanni noo songuwara noo roduuwa jawaachishate illachishshanno. Addanko, woradu aliidi laꞌꞌaanora “erote ayirrinyi hasiisannonsa.”—1Xi 5:17.
Soqqamaasinchu Phaawuloosi Roomaho noo Kiristaanira ‘ayyaanaamo afansha beehate’ insa towaatate hedi woyite ‘mimmito jawaachishate’ lowo geeshsha quqquxamino. (Ro 1:11, 12) Kiꞌne songo towaatannoha woradu aliidi laꞌꞌaanchonna adhinoha ikkiro minaamasi ma garinni jawaachisha dandiitinanniro heddinoonni?
BAADIYYETE SOQQAMANNOHA WORADU ALIIDI LAꞌꞌAANCHO YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Woradu aliidi laꞌꞌaanonna minaamuwinsa ninketi bushshu yitukkinni songuwate baxille leellishshannohu hiitte doogganniiti?
Insa assitinori kiꞌne mitto mittonka kaaꞌlinoꞌnehu hiittoonniiti?
Ninke insa jawaachisha dandiineemmohu ma garinniiti?