Maatekki Hagiidhitanno Gede Kaaꞌla Dandaatto

Yihowa maate hagiirraame ikkitara hasiꞌranno. (Fa 127:3-5; Ros 9:9; 11:9) Ikkirono tenne alame yaaddonninna maatete miilla loossino soꞌronni kainohunni hagiirrinke baꞌꞌara dandaanno. Mittu mittunku maatete miili maate hagiidhitanno gede kaaꞌlate maa assa dandaanno?

Minaanni minaamasi ayirrisa hasiissannosi. (1Ph 3:7) Ise ledo yanna sayisa hasiissannosi. Ise wolqasera alee higino coye assi diyaanno; isirano ikko maatete assitannore lowo geya naadanno. (Qo 3:15) Isi baxannoseta kulannose hattono galatannose.—La 31:28, 31.

Minaama minaannase kaaꞌlitanno faro hasidhanno. (La 31:12) Isira maahoyye yite galtanno hattono kaaꞌlantanno. (Qo 3:18) Ise shaqqillunni hasaawissannosi; qoleno isi daafira danchare coyidhanno.—La 31:26.

Annuwunna amuuwu oosonsa ledo yaanna sayisanno. (Mar 6:6, 7) Insa oosonsara baxxannonsata kultanno. (Mt 3:17) Seejjitannonsa woyite baxillunninna hayyotenni seejjitanno.—Ef 6:4.

Ooso annuwansanna amuuwansa ayirrissanno hattono insara hajajantanno. (La 23:22) Annuwinsanna amuuwinsara giddonsata fushshite hasaaphitanno. Annuwinsanna amuuwinsa seejjitannonsa woyite maahoyye yite hajajante ayirrissannonsata leellishshanno.—La 19:20.

MAATEꞌNE HAGIIRRU NOOTA IKKITANNO GEDE ASSIDHE YITANNO VIIDIYO LAꞌINIHU GEDENSAANNI AANTE NOO XAꞌMORA DAWARO QOLATE WOꞌNAALLE:

• Maatete giddo hagiirru heeꞌranno gede mittu mittunku maatete miili maa assino?