Qaagatto?

Muli yannara fultinota Agarooshshu Shae metseetta seekkite nabbawootto? Hanni aante noo xaꞌmuwara dawaro qolate woꞌnaali:

Yanna gaaꞌmine Yihowa hasaawinseemmoha, isi coyiꞌranna macciishshineemmohanna isi daafira hendeemmoha ikkiro mayi horo afiꞌneemmo?

Dancha doorsha doodhineemmo, worbuulle rosiisaano ikkineemmo, ammananke kaajjitanno hattono Yihowara noonke baxilli lexxanno.—w22.01, qoola 30-31.

Yihowanna isi shoominore addaxxinummoro mayi horo afiꞌneemmo?

Songote cimeeyye uyitannonke biddishshanna assitanno coye huluullama agurre, Maganu assanno coye addaxxa hasiissannonkehu xaati. Bayiru qarri hanafanno woyite, rosaminokkihanna kaaꞌlannokkiha lawanno biddishsha uyinanninke woyite nafa hajajammeemmo.—w22.02, qoola 4-6.

Sokkaasinchu Zakkaariyaasira, Gashshaanchu Zerubaabeeli ‘anga tumbe amadinota’ kulinohu mayiraati? (Zak. 4:8-10, NW)

Tini ajuuja Maganu manni qullaawa mine Yihowa hasiꞌranno garinni minne gundannita buuxanno gede assitinonsa.—w22.03, qoola 16-17.

Coyiꞌneemmo coyinni . . . lawishsha ikka dandiineemmohu hiittoonniiti? (1 Xim. 4:12)

Soqqammeemmo woyite manna shaqqillunninna ayirrinyunni hasaawinseemmo, woꞌma giddonni faarsineemmo, gambooshshunniwa ganyine dawaro qolleemmo, noore coyiꞌneemmo, woloota dhaawannore coyiꞌneemmo hattono xono qorophineemmo.—w22.04, qoola 6-9.

Daanieeli fooliishsho 7te kulloonniri shoole moyichubba woy gashshooti dani Yohaannisi Ajuuja 13:1, 2 kulloonnihu mittu moyichira noota kulloonnihu mayiraati?

Yohaannisi Ajuuja 13te kulloonni moyichi mitto gashshoote yaano Rooma calla riqiwannoha diꞌꞌikkino. Hatteentenni kuni moyichi mannu ooso gashshinoha baalanka poletiku gashshoote riqiwannoho.—w22.05, guf. 9.

Maganu taashsho addaxxineemmota leellinsheemmoti mitte qara doogo hiitteeti?

Mittu manchi xoninkero, koffi assinkero woy hanqisinkero, kalaqamino coye Yihowa tirannota addaxxineemmo. Isi cubbu abbino gawajjo baala dhaawanno.—w22.06, qoola 10-11.

Songote giddo huuccatto assanno rodii maa qaaga hasiissannosi?

Huuccatto assinanni woyite songo amaala woy egensiishsha kula dihasiissanno. Hakko iso hanafote ‘huuccatto seedisa’ dihasiissanno. (Mat. 6:7)—w22.07, qoola 24-25.

‘Busha loossinorira’ ‘reyotenni kaꞌeenna yoo yinanninsahu’ ma garinniiti? (Yoh. 5:29)

Insa alba loossino looso laꞌne busha yoo diyinanninsa. Insa reyotenni kaꞌuhu gedensaanni akatansanna assootensa seekkine laꞌnanni.—w22.09, guf. 18.

Roduu Raazerfordi Wocawaaro 1922nni assinoonni gambooshshiwa maa qaagiissino?

Yunayitidi Isteetisete Seedaari Poyint Ohayo assinoonni gambooshshira isi togo yiino: “Moote gashshanni no! Kiꞌne isi sokka dudubbinannireeti. Hakko daafira Mootenna Gashshootesi egensiisse, egensiisse, egensiisse!”—w22.10, qoola 3-5.

Isayaasi fooliishsho 30te Maganu qarra dandiine saꞌneemmo gede kaaꞌlannonketa hiittenne sase doogo kulloonni?

Tenne fooliishshora, isi (1) huuccattonke macciishshannotanna dawaro qolannota, (2) biddishsha aannonketanna (3) xaano ikko albillitte maassiꞌrannonketa kulloonni.—w22.11, guf. 9.

Faarso 37:10, 11, 29 noo masaalo hunda woꞌmitino hattono albillitte woꞌmitanno yineemmohu mayiraati?

Daawiti coyiꞌrino hedo Israeelete yannara lawishshaho, Selemooni gashshooti waro noo atoote dancha gede assite xawissanno. Yesuusi albillitte dagganno gannate daafira kuli woyite kiiro 11 qummi assino. (Mat. 5:5; Luq. 23:43)—w22.12, qoola 8-10, 14.