Xiinxalloottore Wolootaho Kuli

Qullaawa Maxaafa xiinxalla harshammi yineemmo gede assitannonke; xiinxallinanni afiꞌnoommota jawaachishshannota muxxe jiro wolootaho kula isinni roore hagiirsiissannonke. Lawishsha 11:25, “Wole duushshannohu duuwanno” yitanno.

Ronsoommore wolootaho kula, xiinxallinoommore ranke qaageemmo gedenna seekkine huwanteemmo gede kaaꞌlitannonke. Qoleno hatti hedo woloota kaaꞌlitanno daafira, insara kula hagiirsiissannonke.—Soq. 20:35.

Togo assate woꞌnaali: Aantanno lamalara, rosoottore wolootaho kulatto faro hasiꞌri. Minikki mannira, ammanate rodiikkira, ledokki loosannohura, ledokki rosannohura, olliichikkira, woy soqqanshonniwa xaadatto mannira kula dandaatto. Kulattora hedoottore umikki yaattonni xawe leellanno garinni kulate woꞌnaali.

Tenne qaagi: Rosoottore wolootaho kulattohu insa jawaachishateeti ikkinnina insa maalaꞌlisate diꞌꞌikkino.—1 Qor. 8:1.