Mannu Sumuu Yee Heeꞌrannokkihu Mayiraati?—Qullaawu Maxaafi Mayyaanno?

Alamete gashshaanonna kalqete uurrinshuwa keere abba didandiitino. Layinkihu Alamete Oli kawa, xaa gede ikke olu batiꞌre diegennino. Lame biliyoone meddi yaanno manni (alamete daga giddo mitto shoolkiha ikkannohu) olunna gaancu noo qooxeessira heeꞌranno.

Mannu ooso keere abba dandiitinokkihu mayiraati? Qullaawu Maxaafi tenne daafira mayyaanno?

Mannu ooso keere abba dandiitinokkiha sase korkaata

1. 1. Mannu leellishanno akati keeru heeꞌranno gede assannoha diꞌꞌikkino. Qullaawu Maxaafi giddo balanxe kulloonni garinni, “mannu umosi baxannoha, woxe baxannoha, naaxxaleessa, boonaleessa, . . . qullaawa heeshsho afiꞌrinokkiha, . . . araara giwannoha, . . . umosi qeeꞌlinokkiha, mararro afiꞌrinokkiha, . . . muddamaasincho, booꞌnatenni ufuufaminoha [ikkino].”—2 Ximootewoosi 3:2-4.

2. 2. Mannu ooso, Kalaqaanchinsa Maganu Yihowaa kaaꞌlo nookkiha, mitteenni kaaꞌlante nafa qarransa tidha didandiitanno. Qullaawu Maxaafi “mannu heeshsho angasi nookkitanna, haꞌrinshosino mannu umisi qineessiꞌre dandaannokkita” xawise kulanno.—Ermiyaasi 10:23.

3. 3. Alame gashshe noohu wolqaataamonna busha gashshaancho Sheexaane Daawuloosiiti; isi ‘kalqe baala soꞌrisiisanni no.’ (Yohaannisi Ajuuja 12:9) Alame gudisante “bushunni amadantinota” ikkitu geeshsha, olu dihooganno.—1 Yohaannisi 5:19.

Keere abba dandaannohu ayeti?

Qullaawu Maxaafi kulannonte gede, keeru daannohu mannu sharronni ikkikkinni Maganu wolqanniiti.

• “Kiꞌnera hedeemmore ani egennoommo; hedoꞌyano hexxonna albillittete ikkitannoꞌne gede, keerunnite ikkinnina bunshennita diꞌꞌikkitino.”—Ermiyaasi 29:11.

Maganu tenne hexxo wonshannohu ma garinniiti? “Keere aanno Magani Sheexaane . . . cancananno.” (Roomu Sokka 16:20) Maganu, Qullaawu Maxaafi giddo “Maganu Gashshoote” yinoonnihu gordu gashshooti widoonni uulla woꞌmate aana keere abbanno. (Luqaasi 4:43) Konni gashshooti Moote Yesuusi Kiristoosi baatto gashshanno woyite, mannu mimmitu ledo keere heeꞌnanni gara rosanno.—Isayaasi 9:6, 7.

• Ledde afate, “Maganu Mangiste Maa Maa Assitanno?” yaanno birxicho nabbawi.