Alamete Aana Keeru Hooginohu Mayiraati?

Qullaawu Maxaafi mayyaanno?

Mannu ooso alamete aana keere abba didandiitino, albillitteno didandiitanno; korkaatuno:

• “Mannu heeshsho angasi [dino], haꞌrinshosino mannu umisi qineessiꞌre [didandaanno].” (Ermiyaasi 10:23) Maganu mannu oosora umonsa gashshate dandoo woy qoosso diuyinonsa; konni daafira, geedanno keere abba didandiitanno.

• “Mannu gatisara didandaannona, albisoota addaxxitinoonte. Insa reyitanno woyite bushsha eꞌanno; hakku barri hedonsa baalate gawalote.” (Faarso 146:3, 4) Uullate gashshaasine, dancha hedo noonsare ikkituro nafa, olaho kaima ikkino qarra rumushshunku hoola didandiitanno.

• “Goofimarchu barra qarrissanno yanna daggannota afi. Mannu . . . mararro afiꞌrinokkiha, danchumma giwannoha, yiinowa hosannokkiha, muddamaasincho, booꞌnatenni ufuufaminoha, Maganunni roorse qiniitesi baxannoha ikkanno.” (2 Ximootewoosi 3:1-4) Xa heeꞌnoommohu konni “goofimarchu barra” alamete aana halaꞌlinohu bushu akati, keeru heeꞌrannokki gede assanno.

• “Sheexaanu shiima yanna calla gattinosita afe, lowo hanqinni kiꞌnewa dirrinona, baattonna baara kayinni kiꞌnera [aanneꞌe]!” (Yohaannisi Ajuuja 12:12) Maganu baarigaari Daawuloosi uullate qooxeessira calla heeꞌranno gede assinoonni; isi manna isi gede urungicha ikkanno gede xixxiiwanno. Isi “tenne gobba [alame] gashshaancho” ikke noo geeshsha, uullate aana keeru diheeꞌranno.—Yohaannisi 12:31.

• “Kuni [Maganu Gashshooti] wole gashshoote baala [Maganu ledo sumuu yaannokkiha] coꞌo asse hunanno. Isi kayinni hegerera kaajje heeꞌranno.” (Daanieeli 2:44) Alamete aana geedanno keere afiꞌne harshammi yine heeꞌneemmo gede assannonkehu mannu gashshoote ikkikkinni, Maganu Mangisteeti.—Faarso 145:16.