Iillannonke Qarrira Magano Busha Assa Garahoni?

Qullaawu Maxaafi mayyaanno?

Qullaawu Maxaafi, iillannonke qarrira Magano horonta busha assa hasiissannonkekkita kulanno! Maganu hundanni mannu ooso qarrantanni heedhara dihedino. Ikkollana, umi minaanninna minaama Maganu gashshootira finqiltino; qoleno bushanna dancha ninkenni afiꞌneemmo yitino. Konni garinni Maganoho finqiltino daafira, lowo qarri giddora eꞌino.

Insa assitinori xaa yannara ninkeno lowore gawajjanni no. Ikkollana mannu oosora iillanno qarrira kaimu Magano horonta diꞌꞌikkino.

Qullaawu Maxaafi togo yaanno: “Ayino jifamanno yannara, ‘Maganu jifinoe’ yoonke. Maganu bushu coyinni dijifanno; horontanni isi ayeno dijifanno.” (Yaiqoobi 1:13) Aye manchirano, wole agurina Magano hagiirsiisannore assanno manchira nafa qarru iillara dandaanno.