Magano Magansiꞌrate Masqala Horoonsidhinannikkihu Mayiraati?

Batinyu mannira masqalu Kiristaanu ammaꞌno malaate lawannonsa. Ninke Yihowa Farciꞌraasine Kiristaana ikkinummorono, magansiꞌrate masqala dihoroonsiꞌneemmo. Mayira?

Mittu korkaati, Yesuusi reyinohu masqalu aana ikkikkinni hossi yiino haqqi aana ikkinota Qullaawu Maxaafi kulanno daafiraati. Hakkiinni saeno, Maganu Qaali Kiristaana “Kaphu maganna magansiꞌratewiinni xooqqe!” yaanno; konnira magansiꞌrate masqala horoonsiꞌra dihasiissannonke yaate.—1 Qorontoosi 10:14; 1 Yohaannisi 5:21.

Yesuusi “Kiꞌne kiꞌneneewa baxantiniro, ane rosaano ikkitinoonnita mannu baalu tennenni egennannoꞌne” yiinotano dea dihasiissannonke. (Yohaannisi 13:34, 35) Addanko, Yesuusi addu rosaanosi bande anfanni gede assannohu masqala woy wole aye misileno ikkitukkinni umisira roorsiꞌrannokki baxille ikkinota rosiisino.