Agarooshshu Shaeta INTERNEETETE LAYIBIRERE
Agarooshshu Shae
INTERNEETETE LAYIBIRERE
Sidaamu Afoo
  • QULLAAWA MAXAAFA
  • ADDI ADDI BORRO
  • GAMBOOSHSHE
  • ijwbq birxicho 79
  • Maganu Mangiste Mannu Wodani Giddo Nooreeti?

Doodhootto borrora viidiyo dino.

Hasi'rootto viidiyo fa'nama didandiitino.

  • Maganu Mangiste Mannu Wodani Giddo Nooreeti?
  • Qullaawu Maxaafi Xaꞌmonna Dawaro
  • Cinaancho Birxichuwa
  • Fiixxanno Birxichuwa
  • Qullaawu Maxaafi mayyaanno?
  • Maganu Mangiste Daafira Kulanno Halaale
    Yihowa Mangiste Egensiissannota Agarooshshu Shae (Ellannita)—2020
  • Maganu Mangiste Maati?
    Qullaawu Maxaafinni Maa Ronseemmo?
  • Maganu Mangiste Maati?
    Qullaawu Maxaafi Addinta Mayyee Rosiisanno?
  • Maganu Mangiste Maati?
    Yihowa Mangiste Egensiissannota Agarooshshu Shae (Xiinxallote Ittime)—2016
Ledde Nabbawi
Qullaawu Maxaafi Xaꞌmonna Dawaro
ijwbq birxicho 79
Umosi dandiino gashshooti mannu bisi giddo heeꞌrara didandaanno

Maganu Mangiste Mannu Wodani Giddo Nooreeti?

Qullaawu Maxaafi mayyaanno?

Deeꞌni; Maganu Mangiste Kiristaanu wodani giddo noore diꞌꞌikkitino.a Qullaawu Maxaafi, Maganu Mangiste ‘Gordu Gashshoote’ yaanno; tini yaatto Maganu Mangiste mamiicho nooro badde kultanno. (Maatewoosi 4:17) Hanni Qullaawu Maxaafi, Maganu Mangiste iima heeꞌre gashshannoha umosi dandiino gashshoote ikkitinota kulanno gara laꞌno.

  • Maganu Mangiste, gashshaasine, qansootanna seera afidhinote; qoleno tini Mangiste Maganu fajjo iimanna uulla woꞌmitanno gede assitanno roorre afidhino.—Maatewoosi 6:10; Yohaannisi Ajuuja 5:10.

  • Maganu gashshooti woy Mangiste ‘addi addi gobbara heeꞌrannoha, addi addi afiinni coyiꞌrannoha’ uullate aana heeꞌranno manna baalanka gashshitanno. (Daanieeli 7:13, 14) Tenne Mangiste gashshaano doorannohu manna ikkikkinni Maganoho.—Faarso 2:4-6; Isayaasi 9:7.

  • Yesuusi ammanantino soqqamaasinesi isi ledo gordu Mangistera “ayirradu barcimira” ofoltannota kulinonsa.—Luqaasi 22:28, 30.

  • Maganu Mangiste diinnase huntanno.—Faarso 2:1, 2, 8, 9; 110:1, 2; 1 Qorontoosi 15:25, 26.

Qullaawu Maxaafi gordu Gashshooti mannu wodani giddo nootanna mannu wodani widoonni gashshannota dikulanno. Ikkollana, Qullaawu Maxaafi ‘Maganu Gashshooti qaali’ woy ‘Maganu Gashshootihu Danchu Duduwi’ wodaninke giddo heeꞌrara dandaannotanna wodaninke giddo heeꞌranno gede assiꞌra hasiissannonketa kulanno.—Maatewoosi 13:19; 24:14.

Yesuusi, ‘Maganu Gashshooti mereeroꞌne no’ yaasi mayyaate?

Mite Qullaawu Maxaafi tiro Luqaasi 17:21 noo hedo tirtino gari, mitu mannira Maganu Mangiste noo bayichi gurchaawanno gede assino. Lawishshaho, Kingi Jeemsi Verzhini yinanni tiro “Maganu mangiste giddoꞌne no” yite tirtino. Kuni qummeeshshi yaannore garunni huwatate, qooxeessaho noo hedo laꞌꞌa hasiissannonke.

Yesuusa gibbinore ammaꞌnote murroota

Maganu Mangiste mokkookkunna lubbo shaannohu Yesuusa giwanno manni wodani giddo heedhara didandiitanno

Yesuusi tenne hedo coyiꞌranni noohu Farisootaho yinanniri ammaꞌnote murrootiraati; insa Yesuusa gibbannoreeti, hattono iso shinanni gede gano gantanni nooreeti. (Maatewoosi 12:14; Luqaasi 17:20) Ikkina Maganu Mangiste konni mokkookku manni wodani giddo heedhara dandiitanno? Yesuusi insa “Giddoꞌne . . . awaawurshunna bunshe woꞌmitino” yiinonsa.—Maatewoosi 23:27, 28.

Mite Qullaawu Maxaafi tiro Yesuusi Luqaasi 17:21 coyiꞌrino hedo, “Maganu Gashshooti ledoꞌne no” yite garunni tirtino. (Haawiissine borreessinoommori ninkeeti; Kontemporarii Ingilishi Verzhini) “Maganu Gashshooti kune mereeroꞌne no.” (Sidaamu Afiinni Qixxeessinoonniha Qullaawa Maxaafa) Gordu Gashshooti Farisootu “ledo” woy “mereero” no yinoonnihu, konni Gashshootira Moote ikkanno gede Maganu shoominohu Yesuusi mereeronsa noo daafiraati.—Luqaasi 1:32, 33.

a Batinye Kiristinnu ammaꞌno, Maganu Mangiste manchu giddo woy manchu wodani giddo nooreeti yite rosiissanno. Lawishshaho, Ameerikaho nooti Baaptisti yinanni ammaꞌno Maganu Mangiste mito widoonni laꞌniro “Maganu mittu manchi wodaninna heeshsho giddo moohinota leellishanno coyeeti” yite rosiissanno. Qoleno, Roomu Phaaphaasichi Benedikti 16kihu Naaziretete Yesuusa yaanno maxaafisira, “Maganu Mangiste daggannohu hajajamanno wodani widoonniiti” yiino.

    Sidaamu Afii Borro (1995-2025)
    Fuli
    Ei
    • Sidaamu Afoo
    • Woleho Soyi
    • Addi Addi Doorsha
    • Copyright © 2025 Watch Tower Bible and Tract Society of Pennsylvania
    • Sheemaate
    • Foju Biddishsha
    • Privacy Settings
    • JW.ORG
    • Ei
    Woleho Soyi