Shiiꞌrootto Manni Reyotenni Kaꞌꞌanno!

Shiiꞌro lowo geeshsha xissiissanno hattono dadillissanno. Qullaawu Maxaafi reyo diinaho yaannohu iseraati. (1 Qorontoosi 15:26) Lemiina lamalki rosira, Yihowa konne diina hunannota ronsoommo. Kayi xaa geeshsha reyino manni hiikkannoyya? Konni rosira, Yihowa uyinonketa wole dhagge ikkitanno hexxo ronseemmo; hattino: isi kiirre tunqannikki manna reyotenni kayise hegerera hagiidhanni heeꞌranno gede assanno. Konnira reyino manni kaꞌꞌanno yaate! Kuni addinta ikkannoreeti? Reyotenni kaꞌꞌanno manni gordohonso baattote aana heeꞌranno?

1. Yihowa shiiꞌnoommo manna hiissa hasiꞌranno?

Yihowa reyino manna kayisate quqquxamanno. Ammanamino manchi Iyyoobi reyanno woyite Maganu hawannosikkita addaxxino. Isi Magano togo yiino: “Ati woshshattoe, anino [Waammate giddonni] yee yeemmohe.”—Iyyoobi 14:13-15, NW.

2. Reyino manni kaꞌꞌannota mayinni anfeemmo?

Yesuusi uullate aana noo yannara, reyino manna kayisanno gede Maganu wolqa uyinosi. Yesuusi 12 diri qaaqqonna mitto gunnitte mancho beetto reyotenni kayisino. (Maarqoosi 5:41, 42; Luqaasi 7:12-15) Gedensoonni Yesuusi jaali Aliaazaari reyi. Aliaazaari reyenna madaarrinku shoole barra ikkinoha ikkirono, Yesuusi iso reyotenni kayisino. Yesuusi huuccatto assiꞌrihu gedensaanni, qoonqosi naggi asse “Aliaazaari, amo fuli!” yii. Hakkiinni “Aliaazaarino waammate giddonni . . . fuli.” Aliaazaari reyotenni kaino yaate! (Yohaannisi 11:43, 44) Hakka woyite maatesinna jaallasi mageeshshi geeshsha hagiidhitinoro hanni hedi!

3. Shiiꞌrootto mannira noonsa hexxo maati?

Qullaawu Maxaafi, “Maganu [reyitinore] reyotenni kayisanno” yaanno. (Soqqamaasinete Looso 24:15) Yesuusi uullate aana noo yannara reyotenni kayisi manni, reyi woyite iimira dihaꞌrino. (Yohaannisi 3:13) Isi insa reyotenni kayise koye uullate aana wirro lubbote heedhanno gede assinonsa; insano tennera hagiidhitino. Xaano Yesuusi muli yannara, lowo biliyoone ikkanno manna uullate aana gannatete hegerera hagiidhanni heeꞌranno gede reyotenni kayisanno. Yesuusi, Maganu qaagannonsari baalunku, wole agurina reyiteenna mannu hawe agurinori nafa reyotenni kaꞌannota coyiꞌrino.—Yohaannisi 5:28, 29.

LEDDE XIINXALLI

4. Yesuusi reyitinore kayisa dandaannota leellishino

Yesuusi jaalisira Aliaazaarira maa assinoro ledde rosi. Yohaannisi 11:14, 38-44 nabbabbe; hakkiinni aante noo xaꞌmuwa hasaabbe:

• Aliaazaari addinta reyinota mayinni anfeemmo?—Kiiro 39 lai.

• Aliaazaari reyi woyite gordo haꞌrinoha ikkiro, Yesuusi iso gordunni dirrise uulla heeꞌranno gede assannoha lawannohe?

VIIDIYO laꞌe.

VIIDIYO: Yesuusi Aliaazaari Reyotenni Kayisino (1:16)

5. Batinyu manni reyotenni kaꞌꞌanno!

Faarso 37:29 nabbabbe; hakkiinni aante noo xaꞌmo hasaabbe:

• Reyotenni kaꞌꞌannohu lowo biliyoone ikkanno manni hiikko heeꞌranno?

Yesuusi, Yihowa magansiꞌranno mannano agurranna wole batinye manna reyotenni kayisanno. Soqqamaasinete Looso 24:15 nabbabbe; hakkiinni aante noo xaꞌmo hasaabbe:

• Ati ayi kaeenna xaada hasiꞌratto?

Hanni tenne hedi: Mitto anna goxino qaaqqosi kayisa qarrissannosikkinte gede, Yesuusano reyitinore kayisa horo diqarrissannosi

6. Kao sheshifachishshannohe hattono hexxo heedhannohe gede assitanno

Qullaawu Maxaafi kulannoti Iyairoosi qaaqqo xagge, shiiꞌre xissiisiꞌrinoha lowo manna sheshifachishshino hattono jawaachishshino. Luqaasi 8:40-42, 49-56 aana tenne addu xagge nabbabbe.

Yesuusi Iyairoosi qaaqqo reyotenni kayisara albaanni, iso “Ammani ikkinnina waajjitooti” yiino. (Kiiro 50 lai.) Kaote hexxo konni woroonni noo coyibba tuncu yitannohe woyite kaaꞌlitannohehu hiittoonniiti?

• shiiꞌro amaddannohe woyite

• heeshshokki qarru giddo ubbanno woyite

VIIDIYO laꞌe; hakkiinni aante noo xaꞌmo hasaabbe.

VIIDIYO: Kaote Hexxo Worbuulle Ikkineemmo Gede Assitannonke—Hiittoonni? (3:21)

• Kaote hexxo Filesitii annanna ama sheshifachishshinonsahu hiittoonniiti?

XAPHISHSHA

Qullaawu Maxaafi, lowo biliyoone ikkanno manni reyotenni kaꞌꞌannota kulanno. Yihowa kuni manni galagale heeshshote heeꞌrara hasiꞌranno; hakko daafira reyotenni kayisannonsa gede Yesuusira wolqa uyinosi.

Kageeshsha Rosoottore

• Yihowanna Yesuusi reyino manna kayisate quqquxantannota mayinni anfeemmo?

• Reyotenni kaꞌꞌannohu lowo biliyoone ikkanno manni gordohonso uullate aana heeꞌranno? Hatto yoottohu mayiraati?

• Shiiꞌrootto manni reyotenni kaꞌꞌannota ammanatto gede assinoheri maati?

EGENNO LEXXI

Xisso dandiite heeꞌrate maa maa assa dandaatto?

“Dadillu Amadinonsare Kaaꞌlitanno Amaale” (Baqqi Yiiyye! Kiiro 3 2018)

Qullaawu Maxaafi biddishshi shiidhe xissiisidhannore addinta kaaꞌlanno?

Banxeemmo Manni Reyanno Woyite (5:06)

Qaaqquullu muli fiixa woy jaala shiidhanno woyite cinca dandiitannohu hiittoonniiti?

Wodote Kakkalo (2:07)

Reyotenni kae gordo haꞌranno manni no? Reyotenni kaꞌꞌannokkihu hiittoo mannaati?

“Qullaawu Maxaafi Reyotenni Kaꞌꞌate Daafira Mayyaanno?” (Webisayitenkera fultino borro)