Soqqanshonke Isilanchimma Woyyeessiꞌra—Hasaawa Mayine Jammarreemmoro Qixxaawa
Hasiissannohu Mayiraati? Hasaawa jammarreemmo wote umo coyiꞌneemmori nyammo bairo, qaete anni sokkanke kullummokkinni hasaawa uurrisara dandaanno. Konni daafira, batinye halashshaano umo coyidhannori hasaawa jammarate qara coye ikkinota heddanno. Maganu Mangiste Soqqanshonkeranna Korkaata Xawisa yinanni maxaafira lawishsha ikkannoha hasaawu bitima qixxeessinoonniha ikkirono, qooxeessaho injaanno garinni biddi assinara yine hasaambanni wote yinannire gunde diworroonni. Lawishsha ikkannohu hasaawu bitimi woꞌma assaawe afiꞌrinoha ikkiro nafa, halashshaano hasidhuro insara injaanno garinni biddi assa dandiitanno. Konni daafira, qaete anninni xaandeemmo wote daannonkere coyiꞌrantenni, umo coyiꞌneemmore balanxe seekkine qixxaambeemmoha ikkiro soqqanshonke roore gumu noota ikkitanno.—Law. 15:28.
Konni Aganira Togo Assate Woꞌnaalle:
Maatete Magansiꞌraꞌne yannara, soqqansho fultinanni wote umo coyidhinannire qixxaawatenna rosiisiꞌrate yanna gaaꞌme.
Soqqantinanni wote hasaawa mayitine jammarate qixxaabbinoonniro soqqanshote miiliꞌnera kulle. (Law. 27:17) Qixxaabbinoonnihu hasaawu bitimi dancha guma abba hoogiro agurtine woleho higge.