Borrote Gaare Woy Xarapheessa Horoonsiꞌne Farciꞌnanni Gara
Gaare woy xarapheessa horoonsiꞌne farciꞌra suwino wodani noonsari halaalunniwa dagganno gede assitanni no. (Yoh. 6:44) Konni daafira, cimeeyye songonsa killile giddo mannu ale woro haꞌra batiꞌrannowa gudumaaleho farciꞌnanni bayicho doortanno gede jawaachinshoonni. Gaare bayichunni bayicho haaꞌne haꞌnannita ikkitino daafira, gaare worranni basera higgetewiinni fajjo xaꞌmira dihasiissanno. Konni garinni soqqama dandiitannori hiittoo halashshaanooti? Coye heeshshi gotti asse laꞌꞌate dandoo noonsari, manna ayirrinyunni coyishiishshannorinna dancha gede hasaawisate dandoo noonsa halashshaano soqqama dandiitanno. Aante noo assaawe halashshaano guma afiꞌrate assa hasiissannonsarenna assa hasiissannonsakkire kultanno.