GAFA 1

Maganu Yaannore Macciishsha Dandiineemmohu Hiittoonniiti?

Xaa yannara Maganu coyishiishannonkehu Qullaawu Maxaafi widoonniiti. 2 Ximootewosi 3:16

Yihowa iima hee’re mannu ooso Qullaawa Maxaafa borreessitanno gede assino

Halaalaanchu Magani mannootu hedosi mittu baxxino maxaafira borreessitanno gede marrainonsa. Hakku maxaafi Qullaawa Maxaafaati. Qullaawu Maxaafi Maganu ati afattora hasiꞌranno assaawe amadinoho.

Maganu ninkera woyyannori maatiro afino; qoleno hayyo baala noohu isiwaati. Isi yaannore macciishshattoha ikkiro hayyichcha ikkatto. —Lawishsha 1:5.

Addi addi afiinni qixxeessinoonniha Qullaawa Maxaafa; manchu umisi qaalinni Qullaawa Maxaafa nabbawanni no

Maganu, uullate noo manni baalunku Qullaawa Maxaafa nabbawara hasiꞌranno. Konne maxaafa xaa yannara batinynyu afiinni tirroonni.

Maganu yaannore macciishsha hasiꞌrattoha ikkiro, Qullaawa Maxaafa nabbawanna huwata hasiisannohe.

Base baalate noo manni Maganu yaannore macciishshanni no. Maatewoosi 28:19

Mittu rodii manchoho Qullaawa Maxaafa nabbawanni no; hattono xiinxallisanni no

Yihowa Farciꞌraasine Qullaawu Maxaafi yaannore huwatatto gede kaaꞌlitannohe.

Insa uulla woꞌmate Maganunnire halaale rosiissanno.

Yihowa Farci’raasine Gambooshshu Addaaraashera gambooshshe assidhanni no

Konni rosira woxe baata dihasiissannohe. Qolteno, qooxeessikkira noohu Yihowa Farciꞌraasinehu Mangistete Harira Maganunnire rosa dandaatto.