Iyyoobi Fonqolu Iillisirono Ammaname Heeꞌrino

Iyyoobi Isiraeele Gibitsete gobbara borojje ikkite noo yannara Ootsi yinanni gobbara heeꞌrino. Iyyoobi Isiraeelete wido ikka hoogirono Yihowa ammaname magansiꞌrannoho. Isi halaꞌlado maate noosihonna lowo jiro afiꞌrinoho; qoleno dagoomu giddo dancha lawishsha ikkannoho. Isi ayirrinsanni amaalaanchootinna mallaadannokki daanyaati. Isi buxanetenna hawaaxantinorira shaqqadoho. Isi Maganoho ammanamino manchooti.

Iyyoobi heeshshosi giddo Yihowa fajjo balaxisiisannota

1:8-11, 22; 2:2-5

• Sheexaanu Iyyoobi Maganoho ammaname heeꞌrannota laino. Isi Iyyoobi Maganoho hajajamannota dimoromino; hatteentenni hajajamanno gede assinosi coyi maatiro kayise yekkeeramino

• Sheexaanu Iyyoobi Yihowara soqqamannohu umisi horora yeeti yee coyiꞌrino

• Yihowa tenne Yekkeerora dawaro qolate Sheexaanu konne ammanamino mancho fonqolanno gede fajjino. Sheexaanu Iyyoobi heeshsho baalate qarra naqino

• Iyyoobi Maganoho ammaname heeꞌrannota leellishita, Sheexaanu mannu baalu ammaname heeꞌranno gede assannonsa coyi maatiro xaꞌmo kayise yekkeeramino

• Iyyoobi cubbo diloosino woy iillinosi qarrira Magano dibushiishino