XIINXALLO 10
Qoonqo Soorra
Lawishsha 8:4, 7
ASSA HASIISSANNOHERE: Roso xawe leellannonna loosoho kakkayisanno garinni shiqishate, qoonqokki deerra, rankenna gara soorritanni coyiꞌri.
KONNE ASSA DANDAATTO GARA:
Qoonqokki deerra soorri. Qara qara hedo luphi assatenna macciishshaano loosoho kakkayisate qoonqokki deerra gotti assi. Yoote sokka amadinoha Qullaawu Maxaafi gafa nabbawatto woyiteno hatto assi. Macciishshaano aanchite coyiꞌrattore quqquxante agadhitanno gede assate woy waajjishannorenna yaachishannore kulate qoonqokki ajishi.
Qoonqokki gara soorri. Iibbado hedonni coyiꞌrate, woy mitturichi geeshsha woy xeertinye kulatto woyite qoonqokki gotti assa dandaatto. Dadille woy yaaddo xawisate qoonqokki heeshshi assi.
Qoonqokki ranke soorri. Dhagge ikkinohere coyiꞌratto woyite rakke rakke coyiꞌri. Lowo geeshsha hasiissanno hedo xawisatto woyite kayinni sununni coyiꞌri.