ROSO 28
Yihowanna Yesuusi Assitinoherira Galatu Nooheta Leellishi
Jaalikki mitto dancha uduunnicho uyihero hiitto ikkatto? Lowo geeshsha hagiidhattotinna uyinohere naadattota leellisha hasiꞌrattoti egennantinote. Yihowanna Yesuusi horo taalle nookki elto uyitinonke; hattino wodote kakkalooti. Tenne eltora galatu noonketa leellisha dandiineemmohu hiittoonniiti?
1. Maganunna Kiristoosi assitinonkerira galatu noonketa leellisha dandiineemmoti mitte doogo hiitteeti?
Qullaawu Maxaafi “[Yesuusa] ammaꞌninohu baalu hegere heeshsho afiꞌranno” yee hexxo aanno. (Yohaannisi 3:16) Yesuusa ammannoommota leellinsheemmohu hiittoonniiti? Ammananke doodhineemmo coyinninna assineemmorinni leellisha hasiissannonke. (Yaiqoobi 2:17) Assineemmorinninna coyiꞌneemmorinni ammananke leellinsheemmoha ikkiro, Yesuusinna Annisi Yihowa ledo noonke jaaloomi kaajjanno.—Yohaannisi 14:21 nabbawi.
2. Yihowanna Yesuusi assitinonkerira galatu noonketa leellishate kaaꞌlannonkehu baxxino ayyaani hiikkoyeti?
Yesuusi gaꞌa gede reyara hashsha rosaanosira, kakkalosira galatu noonsata leellisha dandiitannota wole doogo kulinonsa. Isi hakko hashsha, Qullaawu Maxaafi “Mootichu Hurbaate” yaannoha baxxino ayyaana ayirrissanno gede kulinonsa; konne ayyaana Kiristoosi Reyo Qaagooshsheno yinanni. (1 Qorontoosi 11:20) Yesuusi, soqqamaasinesinna insa gedensaanni daannohu addu Kiristaani baalunku isi heeshshosi sayise uyinonketa qaagara hasiꞌrino. Hakko daafira “Konne ane qaaggora assidhe!” yee hajajino. (Luqaasi 22:19) Qaagooshshu Ayyaana ayirrisakki, Yihowanna Yesuusi leellishshinonkehu bayiru baxillira galatu nooheta leellishshanno.
LEDDE XIINXALLI
Yihowanna Yesuusi leellishshinonkehu bayiru baxillira galatu nooheta leellisha dandaattota wole doogga rosi. Kiristoosi reyo Qaagooshshe ayirrisa lowo geeshsha hasiissannota ikkitinohu mayiraatirono huwati.
3. Galatu noonketa leellishate maa assa dandiineemmo?
Hanni mittu manchi reyotenni gatisinohe yine hendo. Kuni manchi assinohere mulluri gede assite habbe agurattonso, assinoherira galatattosi doogo hasiꞌratto?
Hegere heeshsho hexxo afiꞌnoommohu Yihowa danchummanniiti. Umi Yohaannisi 4:8-10 nabbabbe; hakkiinni aante noo xaꞌmuwa hasaabbe:
Yesuusi kakkalo baxxitino elto ikkitinohu mayiraati?
Yihowanna Yesuusi assitinohere hedatto woyite mayi macciishshamannohe?
Yihowanna Yesuusi assitinonkerira galatu noonketa leellisha dandiineemmohu hiittoonniiti? Layinki Qorontoosi 5:15 nna 1 Yohaannisi 4:11; 5:3 nabbabbe. Mitto mittonka qummeeshsha nabbabbinihu gedensaanni, aante noo xaꞌmo hasaabbe:
Kuni qummeeshshi kulanno garinni, galatu noonketa leellishate maa assa dandiineemmo?
4. Yesuusi faale haꞌri
Galatu noonketa leellisha dandiineemmoti wole doogo Yesuusi faale haꞌrate. Umi Pheexiroosi 2:21 nabbabbe; hakkiinni aante noo xaꞌmo hasaabbe:
Yesuusi faale haꞌra dandaattohu hiittee doogganniiti?
Yesuusi Maganu Qaale baxino, dancha duduwo duduwino, hattono manna kaaꞌlino
5. Kiristoosi reyo Qaagooshshe ayirrisi
Umo Mootichu Hurbaate ayirrinsi hashsha ikkinore afate, Luqaasi 22:14, 19, 20 nabbabbe. Hakkiinni aante noo xaꞌmuwa hasaabbe:
Mootichu Hurbaati ayyaana ayirrinsi woyite maa maa assinoonni?
Mootichu Hurbaatira shiqinshoonni timinna woyine maaho lawishshaho?—Kiiro 19 nna 20 lai.
Yesuusi, rosaanosi Mootichu Hurbaate dirunni mitte higge isi reyino barra ayirrissara hasiꞌrino. Konnira, Yihowa Farciꞌraasine diru dirunku gamba yite Kiristoosi reyo isi hajajino garinni qaagganno. Konni lowo geeshsha hasiisanno gambooshshi daafira leddine afate, VIIDIYO laꞌe. Hakkiinni aante noo xaꞌmo hasaabbe.
Qaagooshshu Ayyaaniwa maa maa assinanni?
Shiqinshanni timinna woyine lawishshu tiro afidhino. Timu Yesuusi ninke daafira sayise uyinohu guutu bisisira lawishshaho. Woyine kayinni mundeesira lawishshaho
MITU MANNI TOGO YAANNO: “Gato afiꞌrate Yesuusa ammana calla ikkitanno.”
Yohaannisi 3:16 nna Yaiqoobi 2:17 horoonsidhe, Yesuusa ammana calla ikkitannokkita kula dandaattohu hiittoonniiti?
XAPHISHSHA
Yesuusa ammanneemmota leellinshenna reyosi Qaagooshshe ayirrinse, isi assinonkerira galatu noonketa leellisha dandiineemmo.
Kageeshsha Rosoottore
Yesuusa ammanneemmota leellishate yaa mayyaate?
Yihowanna Yesuusi assitinoherira galatu nooheta leellishate hedoottohu hiittee doogganniiti?
Kiristoosi reyo Qaagooshshe ayirrisa lowo geeshsha hasiissannota ikkitinohu mayiraati?
EGENNO LEXXI
Kiristoosi reyo maa assineemmo gede kakkayissannonke?
Ammana maatironna ammana noonketa leellisha dandiineemmohu hiittoonniitiro ledde rosi.
“Yihowa Eino Qaale Ammantinannita Loosunni Leellishshe” (Agarooshshu Shae, Birra 2016)
“Xa Xuru Nookkita Dancha Heeshsho Heeꞌranni Noomma” yitannote heeshshote xagge giddo, mitte mancho Kiristoosi kakkalo kaaꞌlitannose gara afase heeshshose seekkitino gara nabbawi.
“Qullaawu Maxaafi Heeshsho Biddi Assanno” (Agarooshshu Shae, Woxawaajje 1, 2011)
Qaagooshshu Ayyaanira shiqanno timanna woyine qamasanno manni shiima ikkinohu mayiraati?