ROSO 34
Yihowa Banxeemmota Leellisha Dandiineemmohu Hiittoonniiti?
Qullaawa Maxaafa xiinxalla hanafitto kawa Maganunniwa albinni roore shiqoottoha lawannohe? Isi ledo noohe jaalooma roore kaajjishiꞌra hasiꞌratto? Hatto ikkiro, Yihowa isira noohe baxilli lexxanna lai kiiro, albinni roore baxannohetanna towaatannoheta qaagi. Ikkina iso baxattota leellisha dandaattohu hiittoonniiti?
1. Yihowa banxeemmota leellisha dandiineemmohu hiittoonniiti?
Yihowa banxeemmota leellinsheemmohu isira hajajammeeti. (1 Yohaannisi 5:3 nabbawi.) Isi aye manchono hajajamannosi gede digiddeessanno. Hatteentenni isi, mittu mittunku manchi hajajama woy hajajama hooga doodhanno gede fajjino. Mayira? Yihowa “woꞌmu wodaninni [hajajammammosira]” hasiꞌranno. (Roomu Sokka 6:17) Wole yaattonni, isi hajajama hasiissannonke daafira ikkikkinni iso banxe hajajammammosira hasiꞌranno. Konni maxaafihu 3ki nna 4ki gafi, Yihowa hagiirsiisannore assitenna iso dadillisannore gibbe baxattosita leellishatto gede kaaꞌlannohe.
2. Yihowa banxeemmota leellisha qarra ikkitankera dandiitannohu mayiraati?
“Keeraanchu manchi qarri batinyeho.” (Faarso 34:19) Ninke baalunku guuntete xeꞌne noonkereeti. Qoleno angate anje, taashshote xeꞌnenna wolu qarrino amadankera dandaanno. Qarrammeemmo woyite, Yihowa yiinore assa shota ikka hooggankera dandiitanno. Mayira yiniro, gara ikkinokkire assa roore shota ikkitara dandiitanno. Ikkollana, ammanante Yihowa assi yiinohere assattoha ikkiro, aye coyinnino roorsite iso baxattota leellishatto. Qoleno isira ammanamoottoha ikkoottoti leeltanno. Hatto ikkiro, isino atera ammanamanno. Isi horo tuge diagurannohe.—Faarso 18:25 nabbawi.
LEDDE XIINXALLI
Hajajamakki Yihowa hagiirsiissannohu mayiraatironna isira ammanante heeꞌratto gede kaaꞌlahera dandaannori maatiro xiinxalli.
3. Sheexaanu kassasinohe
Qullaawu Maxaafi Iyyoobi maxaafi giddo kulannonte gede, Sheexaanu Iyyoobinna Yihowara soqqama hasiꞌrannoha wole manna baalanka kassasino. Iyyoobi 1:1, 6–2:10 nabbabbe; hakkiinni aante noo xaꞌmuwa hasaabbe:
Sheexaanu, Iyyoobi Yihowara hajajamannohu mayiraati yiino?—Iyyoobi 1:9-11 lai.
Sheexaanu ateno ikko wole manna baalanka mayyee kassasino?—Iyyoobi 2:4 lai.
Iyyoobi 27:5b nabbabbe; hakkiinni aante noo xaꞌmo hasaabbe:
Iyyoobi Yihowa addinta baxannota leellishinohu hiittoonniiti?
Iyyoobi Yihowara ammaname iso baxannota leellishino
Ninkeno Yihowara ammanamme iso banxeemmota leellinsheemmo
4. Yihowa wodana tashshi assi
Lawishsha 27:11 nabbabbe; hakkiinni aante noo xaꞌmuwa hasaabbe:
Egennaamo ikkoottota leellishatto woyitenna hajajamattosi woyite Yihowara mayi macciishshamannosi? Mayira?
5. Yihowara ammanamoottoha ikka dandaatto
Yihowara noonke baxilli mannaho isi daafira kulleemmo gede kakkayisannonke. Isira noonke ammanama, sabbaka shota ikkitannonkekki woyite nafa isire farciꞌneemmo gede kakkayissannonke. VIIDIYO laꞌe; hakkiinni aante noo xaꞌmuwa hasaabbe.
Mannaho Yihowa daafira kula qarra ikkitinohe woyiti no?
Viidiyote giddo, Gireeseni waajja qeeꞌlanno gede kaaꞌlinosiri maati?
Yihowa baxannore banxeemmohanna isi giwannore gimbeemmoha ikkiro, isira ammanama diqarrissannonke. Roomu Sokka 12:9 nabbabbe; hakkiinni aante noo xaꞌmuwa hasaabbe:
Kageeshsha ronsummo rosi garinni, Yihowa baxanno coyi giddo mitu maati? Isi giwannohu mitu coyi hiikkoyeti?
Danchare baxatto gedenna bushare giwatto gede kaaꞌlannoheri maati?
6. Yihowara hajajama kaaꞌlitannonke
Yihowara hajajama woꞌmanka woyite danchate. Isayaasi 48:17, 18 nabbabbe; hakkiinni aante noo xaꞌmuwa hasaabbe:
Ninkera woyyannore afinohu Yihowa ikkinota ammanatto? Mayira?
Xaa geeshsha Qullaawa Maxaafa xiinxallakkinna halaalaanchu Magani Yihoware rosakki kaaꞌlitinohehu hiittoonniiti?
MITU MANNI TOGO YEE XAꞌMARA DANDAANNO: “Ninke assineemmori Magano hagiirsiisara dandaanno?”
Assineemmori Yihowa hagiirsiisara woy dadillisara dandaannota kulate hiikkoye qummeeshsha horoonsiꞌra dandaatto?
XAPHISHSHA
Yihowara hajajammenna qarra ikkannori heeꞌrirono isira ammanamme, banxeemmosita leellinsheemmo.
Kageeshsha Rosoottore
Iyyoobi xaggenni maa rosootto?
Yihowa baxattota leellisha dandaattohu hiittoonniiti?
Yihowara ammanante heeꞌratto gede kaaꞌlannoheri maati?
EGENNO LEXXI
Yihowaranna songote ammanamoottoha ikka dandaattohu hiittoonniiti?
Sheexaanu manna kassasino kisse daafira ledde rosi.
“Iyyoobi Minshe Nookkiha Ikkinota Leellishino” (Qullaawu Maxaafi Kulanno Sokka Maati? gafa 6)
Qaaqquullu nafa Yihowa baxxannota leellisha dandiitanno gara wodanchi.
Mittu wedellichi darawosi gara ikkinokkire assanno gede xixxiibbusirono Maganoho ammanama dandaannohu hiittoonniiti?