ROSO 45
Poletikaho Anga Wodha Hoogate Yaa Mayyaate?
Yesuusi rosaanosi ‘tenne gobbare (alamere) ikka’ hasiissannonsakkita rosiisino. (Yohaannisi 15:19) Hatto yaa poletikaho anga wodha, wole yaattonni alamete poletikiranna olaho karsamano dihasiissannonke yaate. Hige poletikaho karsammikki heeꞌra woꞌmanka woyite shotate yaa diꞌꞌikkino. Poletikaho anga wodha hoogankenni kainohunni mannu qacifatankera dandaanno. Poletikaho karsammummokkinni Yihowara ammanamme heeꞌra dandiineemmohu hiittoonniiti?
1. Addu Kiristaani uullate gashshoote ma garinni laꞌꞌanno?
Kiristaanu gashshoote ayirrisanno. Yesuusi rosiisinonke garinni, “Qeesaariha Qeesaarira” uyineemmo; hatto yaano heeꞌneemmo gobba gashshooti fushshino seera ayirrinseemmo yaate; lawishshaho, giwire baanteemmo. (Maarqoosi 12:17) Qullaawu Maxaafi kulanno garinni, uullate gashshaasine gashsha dandiitinohu Yihowa fajjinonsa daafiraati. (Roomu Sokka 13:1) Konnira uullate gashshaasine silxaane Maganuyitewiinni lowo geeshsha ajjannota anfoommo. Mannu ooso qarra tiranno yine hexxineemmohu Maganonkeetinna gordoho noo Gashshootesiiti.
2. Poletikaho karsammeemmokkire ikkinoommota leellisha dandiineemmohu hiittoonniiti?
Yesuusinte gede, ninkeno poletikaho anga diwodhineemmo. Mannu Yesuusi loosino maalale lae iso moohisasira kai woyite, isi maahoyye diyiino. (Yohaannisi 6:15) Mayira? Isi gedensoonni, “Ane Gashshooti tenne gobbaha diꞌꞌikkino” yee xawise kulino. (Yohaannisi 18:36) Yesuusi rosaano ikkinoommo daafira, poletikaho karsammeemmokkire ikkinoommota duucha doogganni leellisha dandiineemmo. Lawishshaho, olaho difulleemmo. (Mikiyaasi 4:3 nabbawi.) Gobbate malaatta lawishshaho baandiira ayirrinseemmoha ikkirono, keere dihaaꞌneemmo; mayira yiniro, hatto assa magansiꞌrate ledo mittete. (1 Yohaannisi 5:21) Qoleno, mitteno poletiku paartera woy dooramate shiqino manchira dihalammeemmo woy digimbeemmo. Tennenna wole doogganni Maganu Mangistera woꞌmunni woꞌma ammanammoommore ikkinoommota leellinsheemmo.
LEDDE XIINXALLI
Poletikaho karsammikkinni heeꞌra qarra ikkitanno gede assannori maatironna Yihowa hagiirsiisannore doodha dandaattohu hiittoonniitiro xiinxalli.
3. Addu Kiristaani poletikaho dikarsamanno
Yesuusinna rosaanosi tennera dancha lawishsha ikkitinonke. Roomu Sokka 13:1, 5-7 nna 1 Pheexiroosi 2:13, 14 nabbabbe. Hakkiinni, VIIDIYO laꞌe; hattono aante noo xaꞌmuwa hasaabbe.
Uullate gashshaasine ayirrisa hasiissannonkehu mayiraati?
Insara maahoyye yine galleemmota leellinsheemmoti mite doogga hiikkuriiti?
Olu yannara, mite gobbuwa manni gobba hajora dieꞌneemmoreeti yiturono, lamente garora kaaꞌlitanno. Ikkina addinta poletikaho karsama hoogate yaa mayyaate? Yohaannisi 17:16 nabbabbe. Hakkiinni, VIIDIYO laꞌe; hattono aante noo xaꞌmo hasaabbe.
Poletiku coyira karsama hoogate yaa mayyaate?
Uullate gashshaasine asse yitinonkeri Maganu seeri ledo sumuu yaannokkire ikkirona? Soqqamaasinete Looso 5:28, 29 nabbabbe. Hakkiinni, VIIDIYO laꞌe; hattono aante noo xaꞌmuwa hasaabbe.
Mannu fushshino seeri Maganu seeri ledo sumuu yaannokki yannara, aye seera ayirrisa hasiissannonke?
Kiristaanu uullate gashshaasinera hajajamannokkihu maa asse woy maa assitinoonte yininsarooti yaatto?
4. Hedotennino ikko assattorinni poletikaho anga wodhitooti
Umi Yohaannisi 5:21 nabbabbe. Hakkiinni, VIIDIYO laꞌe; hattono aante noo xaꞌmuwa hasaabbe.
Viidiyote giddo, Roduu Ayenge poletiku paartera ea woy baandiiraho faarsanna woleno konne lawinore assa giwinohu mayiraati?
Isi doodhinori gara lawannohe?
Poletikaho anga wodhinummokki heeꞌra qarra ikkitannonke gede assannohu wolu coyi maati? VIIDIYO laꞌe; hakkiinni aante noo xaꞌmuwa hasaabbe.
Addi addi gobba xaadde godoꞌlitanno ispoorte laꞌneemmo woyite, poletikaho karsammeemmokkire ikkinoommota leellisha dandiineemmohu hiittoonniiti?
Poletiku gashshaasine assitannori ninkera kaaꞌlannore woy gawajjannonkere ikkiro nafa, poletikaho anga wodhinummokki heeꞌra dandiineemmohu hiittoonniiti?
Odoote kullanna woy xaandeemmo manni coyiꞌranna macciishshineemmori poletikaho anga wodhinummokki heeꞌra qarra ikkitannonke gede assara dandaannohu hiittoonniiti?
Kiristaanu hedonsannino ikko assootinsanni poletikaho anga wodhannokkita leellisha dandaannohu hiittee doogganniiti?
MITU MANNI TOGO YEE XAꞌMARA DANDAANNO: “Baandiira keere haaꞌrattokkihu woy gobbate faarso faarsattokkihu mayiraati?”
Ati tennera mayite qolatto?
XAPHISHSHA
Kiristaanu hedonsanni, coyiꞌranno coyinninna assootinsanni poletikaho karsamannokki gede qorophanno.
Kageeshsha Rosoottore
Uullate gashshootira maa assa hasiissannonke?
Poletikaho anga wodhineemmokkihu mayiraati?
Poletikaho karsammummokki heeꞌra qarra ikkitannonke gede assara dandaannori maati?
EGENNO LEXXI
Poletikaho anga wodhinummokki heeꞌrate maa agura hasiissannonkeha ikkara dandaanno?
Maatete miilla poletikaho anga wodhitanno gede fonqolo ikkannonsare qeelate balaxxe qixxaawa dandiitannohu hiittoonniiti?
Dagoomu Gamba Yaannowa Poletiku Coyira Anga Wodhitinoonte (4:25)
Meessi gobbara gaaramatenni rooranno ayirrinyi no yineemmohu mayiraati?
Looso doodhatto woyite poletiku coyira anga wodhattokki gede qoropha dandaattohu hiittoonniitiro rosi.
“Mittu Mittunku Umisi Duha Duqqa Hasiissannosi” (Agarooshshu Shae, Badheessa 15, 2006)