FANAJARIA BOKY ahi-ty Vavolombeloni-Jehovah
FANAJARIA BOKY
ahi-ty Vavolombeloni-Jehovah
Vezo
  • BAIBOLY
  • BOKY
  • FIVORIA
  • Asan’ny Apostoly 4
  • Soratsy Masy Fandikan-tenin’ny Tontolo Vaovao

Tsy misy video mikasiky an'io ty atoa.

Miala tsiny, misy tsy mety amy fandefasa video io.

Asan’ny Apostoly: Ho Hitanao Ato

      • Nisambory Petera noho Jaona (1-4)

        • Nanjary 5 000 ty isakin’ny lahilahy mpino (4)

      • Tamy Fitsarà Anabo Jiosy eo (5-22)

        • “Tsy azonay atao ty tsy hivola sasy” (20)

      • Nivavaky mba hana fahasakia (23-31)

      • Nifampizaran’ny mpianatsy rey ze raha nananan-drozy (32-37)

Asan’ny Apostoly 4:1

Fikaroha

  • Fitaova Fikaroha

    Tilikambo Fiambena (Fianara),

    3/2020, p. 31

Asan’ny Apostoly 4:2

Fanamariha Ambany Pejy

  • *

    Na: “mikasiky ty fameloma ty maty, manahaky ty niseho tamy Jesosy.”

Asan’ny Apostoly 4:5

Fanamariha Ambany Pejy

  • *

    Henteo F.S.B.

Asan’ny Apostoly 4:11

Fanamariha Ambany Pejy

  • *

    Abt: “lasa lohan’ny zoro.”

Asan’ny Apostoly 4:13

Fanamariha Ambany Pejy

  • *

    Zany hoe tsy nianatsy tamy lakilasy nampianaran’ny raby, fa tsy hoe tsy mahay mamaky teny noho manoratsy.

Asan’ny Apostoly 4:20

Fikaroha

  • Fitaova Fikaroha

    Ho Azonao Tavy ty Fiaina Zisiky Farany!—Boky, fianara 22

Asan’ny Apostoly 4:22

Fanamariha Ambany Pejy

  • *

    Na: “famantara.”

Asan’ny Apostoly 4:26

Fanamariha Ambany Pejy

  • *

    Na: “ty Kristiny.”

Asan’ny Apostoly 4:28

Fanamariha Ambany Pejy

  • *

    Na: “satria zay ty fa nitampakin’ny tananao.”

Asan’ny Apostoly 4:30

Fanamariha Ambany Pejy

  • *

    Na: “fambara.”

Asan’ny Apostoly 4:31

Fanamariha Ambany Pejy

  • *

    Na: “nivavaky mafy.”

Asan’ny Apostoly 4:32

Fanamariha Ambany Pejy

  • *

    Abt: “fo raiky noho say raiky.”

Asan’ny Apostoly 4:33

Fanamariha Ambany Pejy

  • *

    Na: “tamy hery bevata.”

  • *

    Henteo F.S.B.

  • Soratsy Masy Fandikan-tenin’ny Tontolo Vaovao
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
Soratsy Masy Fandikan-tenin’ny Tontolo Vaovao
Asan’ny Apostoly 4:1-37

Asan’ny Apostoly

4 Amy rozy roe lahy mbo miresaky amy vahoaky rey iny, niavy tamin-drozy eo ty mpisoro noho ty sefon’ny mpiamby tempoly noho ty Sadoseo. 2 Neloky rozy satria nampianatsy an’ny vahoaky rey apostoly rey sady nanambara tamin’olo iaby hoe nivelomy Jesosy.* 3 Farany nisamborin-drozy rozy roe lahy, le nataon-drozy tamy prizon ao zisiky hamarain’iny, satria fa nihariva ty andro. 4 Fe maro tamin’olo nijanjy teo rey ro lasa nino ty safàn’i Petera, ka lasa 5 000 teo ho eo ty isakin’ny lahilahy.

5 Hamarain’iny, nivory ta Jerosalema ao ty mpitariky noho ty anti-panahy* noho ty mpanora-dalàna tamin-drozy eo. 6 Tao koa Anasy sefon’ny mpisoro, Kaiafa, Jaona, Aleksandra, noho ze olo iaby longon’ny sefon’ny mpisoro iny. 7 Le nataon-drozy tanivon-drozy eo Petera noho Jaona, ka nanontanean-drozy hoe: “Fahefà baka aia, na tamy anaran’ia ty nanaovanareo ani-zao?” 8 Le nifeno fanahy masy Petera ka nivola tamin-drozy hoe:

“Nareo mpitariky vahoaky noho anti-panahy reo! 9 Laha atao ankety zahay androany satria nanao raha soa tamin’olo kilemaina, ka teanareo ho hay hoe ia ty nanafaky ty aretiny, 10 le soa ho hainareo iaby noho ty vahoakin’Israely iaby fa ty anaran’i Jesosy Kristy baka a Nazareta any iny, azy nivonoanareo tamy tsato-kazo eo fe nivelomi-Ndranahary iny, ro nahavy an’ny lahilahy io ho salama soa alohanareo eto. 11 Ie ‘azy vato nataonareo mpanao trano hoe tsy misy dikany iny, fe lasa vato fehizoro farany bevata.’* 12 Le tsy misy olo hafa hahazoa fanavota, satria tsy misy anara hafa namea olo an-tany etoy mba hahazoantsika fanavota.”

13 Nitseriky amy zay rozy nahita ty fahasakian’i Petera noho Jaona, sady hain-drozy hoe tsy nianatsy* sady olo tsotra rozy roe lahy. Nihain-drozy koa hoe niaraky matetiky tamy Jesosy rozy. 14 Fe tsy nahita raha havaly rozy, satria hitan-drozy niaraky nitsanga tamin-drozy roe lahy teo lahilahy niafaky arety iny. 15 Farany nampiboahin-drozy baka amy trano nisy ty Fitsarà Anabo Jiosy ao rozy telo lahy. Le niaraky nidiniky rozy 16 hoe: “Hataontsika akory lahilahy rey? Satria nanao famantara niavaky rozy, sady nahita an’ny raha zay ty olo iaby mipetraky a Jerosalema eto, ka tsy azontsika ialà. 17 Ndao hohorohoroantsika rozy, le tsy hengantsika hivola amy anara zay sasy ndre amin’ia ndre amin’ia, tsy no vomaiky hiparitaky amy vahoaky eo raha zay.”

18 Le nikaihin-drozy rozy roe lahy, bakeo niraran-drozy mba tsy hivolambola mihintsy na hampianatsy amy anaran’i Jesosy sasy. 19 Fe hoy ty navalin’i Petera noho Jaona an-drozy: “Nareo avao ro hitsara laha mety amaso-Ndranahary eo na tsy mety ty hijanjy anareo, fa tsy hijanjy a-Ndranahary. 20 Fa laha zahay, le tsy azonay atao ty tsy hivola sasy mikasiky ze raha hitanay noho renay.” 21 Mbo nihorohoroan-drozy ndraiky rozy roe lahy, bakeo nampandehanin-drozy lafa tsy nihitan-drozy ze raha tokony hanasazia an-drozy, sady natahotsy an’ny vahoaky rey koa rozy satria nanome voninahitsy a-Ndranahary iaby vahoaky rey tamy raha niseho rey. 22 Tsy zay fa fa 40 tao mahery lahilahy nitahà tamy alalan’ny fahagaga* iny.

23 Lafa nabototsy rozy roe lahy, le nandeha tamin’olo finoa raiky amin-drozy rey any, le nitantaranin-drozy tamin’olo rey ze raha nivolanin’ny sefon’ny mpisoro noho anti-panahy rey tamin-drozy. 24 Lafa naharè ani-zay rozy, le niaraky nivavaky tamy Ndranahary ka nivola hoe:

“Nao lahy Tompo Faratampony, iha ro nanao ty lanitsy noho ty tany noho ty riaky noho ty raha iaby amy raha reo ao. 25 Iha koa ro nampivola an’i Davida razambenay mpanomponao tamy alalan’ny fanahy masy hoe: ‘Manino ro mikoronta firenena reo sady mametsivetsy raha fahatany vahoaky reo? 26 Nitsanga mpanjakan’ny tany reo, le niharo raiky ty mpitariky mba hanohitsy an’i Jehovah noho azy voahosotsy nitendreny* iny.’ 27 Tsy zay fa nifamory tamy tanà toy eto Heroda noho Pontio Pilato niaraky tamy firenena hafa noho ty vahoakin’Israely, mba hanohitsy an’i Jesosy mpanomponao masy, zany hoe azy voahosotsinao iny. 28 Nanao ani-zay rozy mba ho tanteraky ty raha fa nivolaninao mialoha, satria anananao ty hery* sady fa zay ty sitraponao. 29 Mba janjino amy zay lahy Jehovah ty horohoron-drozy, le anovo ze hahavy anay mpanomponao mba tena hahasaky hitory ty safànao, 30 le amparo koa ty tananao mba hitahà noho hanaova famantara noho fahagagà* amy anaran’i Jesosy mpanomponao masy.”

31 Lafa baka nisoloho tamy vavaky* rozy, le nihozonkozo pilasy nivorian-drozy iny, sady nifeno fanahy masy rozy iaby ka nahasaky nitory ty safà-Ndranahary.

32 Ankoatsini-zay, nitovy fihetseham-po noho nitovy eritseritsy* olo maro lasa mpino rey, ka tsy nisy nivola hoe ahin-drozy avao ty hananan-drozy, fa niharoan-drozy ty raha iaby. 33 Mbo nitory mikasiky ty nameloma an’i Jesosy Tompo koa ty apostoly sady tena nandaitsy* ty fomba nanaovan-drozy an’ny raha zay. Le nampisehoa hasoam-panahy miavaky* maro biby rozy iaby. 34 Tsy nisy nahantra ty tamin-drozy eo, fa ze nana tany na trano le namarotsy an’ny raha zay ka nanday ty vilini-ze niletaky, 35 le nametraky an’ny raha zay tan-tombon’ny apostoly rey eo. Bakeo nizaràn-drozy tamin-drozy kiraidraiky raha zay arakaraky ze nilàn-drozy. 36 Josefa amy zay, azy nikaihin’ny apostoly rey koa hoe Barnabasy iny—laha adika zay le hoe “Anan’ny Fampionona”—azy Levita zanatany a Sipra any iny, 37 le nana tany. Naviliny tany iny, bakeo nandesiny ty drala vilin’ny raha iny le napetrakiny tan-tombon’ny apostoly rey eo.

Fanajaria Boky Vezo (2001-2025)
Hiboaky
Hilitsy
  • Vezo
  • Hizara
  • Hamboamboatsy
  • Copyright © 2025 Watch Tower Bible and Tract Society of Pennsylvania
  • Fifanekea
  • Fifanekea Mikasiky Sekirè
  • Hanova Fifanekea
  • JW.ORG
  • Hilitsy
Hizara