FIANARA 25
Fiaina Manao Akory ro Tea-Ndranahary ho Antsika?
Miresaky ty Baiboly hoe ‘boribory sady maro raha mampitseky’ ty fiainan’olombelo. (Joba 14:1) Fiaina ho zay va ro tea-Ndranahary ho antsika? Aha! Ka fiaina manao akory ro teany ho antsika? Hisy vatany va raha zay? Diniho ty valiny mampahery baka amy Baiboly ao.
1. Fiaina manao akory ro teani-Jehovah ho antsika?
Teani-Jehovah hana fiaina soasoa tsika. Lafa namoro ani-Adama noho Eva ie, le napetrakiny tamy paradisa soasoa kaihy hoe zaridainani-Edena rozy. Bakeo “nitso-drano an-drozy Ndranahary, ka nivola tamin-drozy hoe: ‘Manàna taranaky, le mihamaroa ka fenò tany toy sady manjakà aminy.’” (Genesisy 1:28) Teani-Jehovah hanan’anaky zany rozy, le hanitatsy ani-paradisa iny ho amy tany toy iaby sady hikarakara ty biby. Teany ho salama soa noho ho velo zisiky farany ty olo iaby.
Ndre tsy nitanteraky aza raha zay,a le tsy niova ty raha tea-Ndranahary hatao ho antsika. (Isaia 46:10, 11) Mbo teany hana fiaina soasoa noho ho velo zisiky farany avao ze olo manoriky ty safàny.—Vakio Apokalypsy 21:3, 4.
2. Ino ty hanampy antsika hahazo tavy fiaina avao ndre henanizao?
Maniry hahay a-Ndranahary noho hanompo azy tsika satria fa ho zay mihintsy ty namoronany antsika. (Vakio Matio 5:3-6.) Teany hifandramby marìny aminy tsika, ‘handeha amy lalany noho ho tea azy’, le hanompo azy ‘amy ty fontsika iaby.’ (Deoteronomia 10:12; Salamo 25:14) Lafa manao ani-zay tsika, le hahatiaro sambatsy avao ndre misy problemo aza. Lasa misy dikany koa ty fiainantsika lafa manompo ani-Jehovah tsika.
DINIHO LALIKY
Ho hitantsika hoe be fitiava Jehovah laha hentea ty fomba namoronany ani-tany toy. Hohenteantsika amy Baiboly ao koa hoe fiaina manao akory ro teany ho antsika.
3. Teani-Jehovah hana fiaina soasoa ty olombelo
Alefaso VIDEO toy, bakeo iaraho midiniky fanontanea io.
Ino ty antony namorona-Ndranahary ani-tany soasoa toy?
Vakio Mpitoriteny 3:11, bakeo iaraho midiniky fanontanea toy:
Laha hentea andinin-teny io, teani-Jehovah ho velo zisiky ombia ty olombelo lafa niforoniny?
4. Tsy niova ty raha teani-Jehovah hatao
Vakio Salamo 37:11, 29 noho Isaia 55:11, bakeo iaraho midiniky fanontanea toy:
Ino ty ahaizantsika hoe tsy niova ty raha teani-Jehovah hatao ho antsika?
Mbo azo amboary ty trano raiky simba. Mitovy amy zay koa tany toy. Ndre sinimban’olombelo ie, le mbo hampoli-Ndranahary amy pilasiny ndraiky mba hipetrahani-ze olo tea azy
5. Manjary misy dikany ty fiainantsika lafa manompo ani-Jehovah tsika
Handay fifalea ho antsika ty fahaiza ty raha teani-Jehovah hatao ho antsika. Alefaso VIDEO io, bakeo iaraho midiniky fanontanea toy:
Manino ro nahasoa ani-Terumi ty nahay ty antony namorona-Ndranahary ty olombelo?
Vakio Mpitoriteny 12:13, bakeo iaraho midiniky fanontanea toy:
Nanao raha maro ho antsika Jehovah. Ino ty tokony hataontsika mba hampisehoa hoe ankasitrahantsika raha rey?
METY HISY HANONTANY HOE: “Ino ty antony namorona-Ndranahary antsika?”
Akory ty havalinao?
FAMINTINA
Teani-Jehovah ho sambatsy noho hahazo tavy ty fiaina zisiky farany an-tany etoy tsika. Laha tsika manompo a-Ndranahary amy ty fontsika iaby, le hanjary hisy dikany ty fiainantsika manomboky henanizao.
Famerena
Fiaina manao akory ro niteani-Jehovah ho namea ani-Adama noho Eva?
Ino ty ahaizantsika hoe tsy niova ty raha teani-Jehovah hatao ho antsika?
Ino ty azonao atao mba hahasambatsy anao?
DINIHO KOA RETOA
Manino tsika ro afaky matoky hoe nisy vatany zaridainani-Edena zao? Retoa misy porofo.
“Tena Nisy ve ny Zaridainan’i Edena?” (Ny Tilikambo Fiambenana 1 Janoary 2011)
Manino tsika ro afaky matoky hoe natao hiainan’olo zisiky farany tany toy.
Ino ty antony namorona antsika laha hentea ty Baiboly?
“Inona no Antony Ahavelomantsika?” (Lahatsoratsy amy jw.org ao)
Nieritseritsy ty lahilahy raiky hoe fa ananany iaby ty raha iaby. Fe nihitany avao hoe misy raha manky amy ty fiainany.
a Ho hitantsika amy fianara manaraky hoe ino ty antony nahavy ty fiainan’olombelo ho raty.