Asao amy Fahatiarova ty Olo Iaby amy Faritaninareo Ao!

Hisy ezaky manoka manomboky amy 27 Fevriè. Hanasa olo farany ze maro tsika mba hanatriky Fahatiarova ty Nahafatesani-Kristy miaraky amintsika. Tokony hohentea soa koa ze olo nikinto mba hokolokolontsika.

RAHA TOKONY HATAO

MIRESAHA HO ZAO

“Mizara fanasà toy zahay. Misy fotoa raiky bevata amy 23 Marsa, ka olo an-tapitrisany amy tany toy iaby ro hiaraky hankalaza ty nahafatesani-Jesosy Kristy, sady hijanjy lahateny mikasiky ty raha soa rambesintsika baka amy nahafatesani-Jesosy. Hita amy fanasà toy ty fotoa noho ty pilasy hanaova azy. Manasa anao zahay mba ho avy. Tsy misy fandoava drala.”

Laha kinto olo iny le:

• MAMETRAHA TILIKAMBO

  Mivolana foto-kevitsy horesahy amy fimpolia mitsidiky.

• ATORÒ AZY TY VIDEO MIKASIKY FAHATIAROVA

  Mivolana foto-kevitsy horesahy amy fimpolia mitsidiky.

Lafa mimpoly iha, le:

• ATORÒ AZY TY VIDEO MANINO RO MILA IANARA TY BAIBOLY?

  Mametraha boky na bokikely fianara Baiboly.

• APETRAHO TY BOKY INO MARINA RO AMPIANARY TY BAIBOLY?

  Manomeza fanazavà misimisy mikasiky Fahatiarova, ka ampiasao ty pejy 206-208. Bakeo ameo azy boky iny.

• APETRAHO TY BOKIKELY JANJINO NDRANAHARY

  Resaho ty antony nahafaty ani-Kristy hita amy pejy 18-19 ao. Le ameo azy bokikely iny.