“Toy Aho Iraho!”

Modely soa Isaia, satria parè hanompo. Naneho finoa ie, ka avy le naneky hirahy, ndre tsy hainy aza hoe ino iaby ty raha hiseho. (Is 6:8) Misy raha azonao areny koa va mba hahafahanao hitory mikasiky Fanjakà iny amy faritsy mila mpitory fanampiny rey any? (Sl 110:3) Marina fa ilà ty “mikontikonty ze ho lany” lafa hifindra ho io. (Lk 14:27, 28) Fe miezaha hahafoy tena mba hanaova ty asa fitoria. (Mt 8:20; Mr 10:28-30) Hitantsika amy video Manompo amy Faritsy Mila Mpitory Fanampiny iny fa ho maro mandilatsy ty soro ataontsika ty fitahia ho azontsika amy fanompoa ani-Jehovah.

VALEO FANONTANEA RETOA LAFA BAKA NANENTY ANI-VIDEO INY:

• Ino iaby ty raha nafoini-kiraidraiky amy fianakaviani-William reo mba hanompoa a Ekoatera any?

• Ino iaby ty raha nidinihin-drozy lafa nifily ty pilasy hanompoan-drozy?

• Ino ty fitahia niazon-drozy?

• Aia ty mety hahitanao fanazavà misimisy mikasiky fanitara faritany?

IARAHO MIDINIKY AMY FOTOAM-PIVAVAHANI-FIANAKAVIANAREO FANONTANEA RETOA:

• Ino ty azontsika atao mba hampitomboa ty fanompoantsika? (km 8/11 4-6)

• Laha tsy afaky manitatsy faritany tsika, ino ty azontsika atao mba hanampea ty fiangona misy antsika? (w16.03 23-25)