TY FIAINANTSIKA KRISTIANA

Ampeo ty Anakinao Soa Tsy Hihozonkozo ty Finoany ani-Mpamoro Iny

Manambara ty voninahitsini-Jehovah ty zavaboary. (Sl 19:1-4; 139:14) Fe mangala baraka a Ndranahary ty raha ampianarini-tontoloni-Satana toy mikasiky ty nampisy antsika. (Ro 1:18-25) Ino ty azonao atao mba tsy hilentiky an-tsaini-anakinao noho am-pony ao fampianara rey? Ampeo ie ndre mbo kelikely, mba hino hoe tena misy Jehovah sady mikarakara azy. (2Ko 10:4, 5; Ef 6:16) Anovo ze hiresahany ze tena hevitsiny mikasiky ty raha nianaran-drozy tan-dakilasy any, ka ampiasao iaby ze fitaova ananantsika mba hidosiha ty fony.—Oh 20:5; Jk 1:19.

Baba raiky mampianatsy ty anakiny mikasiky ty famorona; fianara mikasiky ty evolisiona an-dakilasy any; Hevitsini-Tanora Manahaky Anao: Finoa a Ndranahary

HENTEO TY VIDEO HOE HEVITSINI-TANORA MANAHAKY ANAO: FINOA A NDRANAHARY, BAKEO VALEO FANONTANEA RETOA:

Mino va ty olo iaby hoe misy Ndranahary?
Ino ty raha ampianary anareo an-dakilasy any?
Ino ty nahavy anao resy lahatsy fa misy Jehovah?
Manao akory ty hanazavanao amin’olo fa namoro kila raha iaby Ndranahary?