Misy Torohevitsy Ilà amy Fiaina Andavanandro amy JW.ORG Ao

Fa amy Safà-Ndranahary ao iaby ze raha hanampy antsika hiatriky raha sarotsy amy andro farany zao. (2Ti 3:1, 16, 17) Fe mety hila fanampea tsika kindraiky, mba hahitantsika ty torolalani-Baiboly mifanandrify amy ty raha iainantsika. Manao akory, ohatsy, laha baba na reny mila torohevitsy mikasiky ty fomba hitezanao ty anakinao iha? Na tanora miatriky raha sarotsy mitsapa ty finoanao? Na malahelo iha satria nimaty valy? Ho hitanao amy jw.org ao ty torolalani-Baiboly hanampy anao amy raha iainanao io noho amy raha maro hafa.​—Oh 2:3-6.

Amy pejy fandrambesa amy jw.org eo, le milira amy hoe FAMPIANARAN’NY BAIBOLY. (Henteo sary 1.) Bakeo filio ze lohahevitsy teanao amy lista miboaky ambany eo. Na, milira amy hoe ZAVATRA MISY > ANDIAN-DAHATSORATRA, bakeo filio ze lohahevitsy teanao. (Henteo sary 2.) Hita amy JW Library^® ao koa lohahevitsy reo.a Ho teanao ty manentinenty ani-lahatsoratsy reo amy pilasy roe reo. Azonao atao koa ty mampiasa ani-fanaova fikaroha amy jw.org ao iny mba hahitanao ze foto-kevitsy teanao.

Sorato amy fanaova fikaroha eo foto-kevitsy manaraky retoa, le mariho ze lahatsoratsy teanao hovakỳ ao.

• Fitezà anaky

• Tanora kivy

• Maty valy