Fomba Fampiasà ty Bokikely Ia ro Manao ty Raha Tea Jehovah Henanizao?

Natao hodinihy miaraky amy mpianatsy Baiboly ty bokikely hoe Ia ro Manao ty Raha Tea Jehovah Henanizao? saky hianatsy na baka nianatsy Baiboly.a Manampy azy ty fianara 1 zisiky 4 mba hahay hoe olo manao akory tsika. Ho hainy amy fianara 5 zisiky 14 ao hoe ino ty asantsika, le ho hitany amy fianara 15 zisiky 18 ty asa ataoni-fandaminantsika. Soa laha dinihy misesy fianara reo laha tsy hoe misy raha tena ilàni-mpianatsy iny malaky. Pejy raiky avao ty fianara raiky ka matetiky ro vita anatini-limy na folo minity eo, arakarakini-mpianatsy iny.

• 

  Atorò ani-mpianatsy iny tse ty lohatenini-fianara iny

• Vakio na ampamakio azy fianara iny. Na ie ho vakinareo zisiky am-parany na ho tampatampahinareo saky lohatenikely

• Iaraho midiniky ze baka nivakinareo. Ampiasao fanontanea ambany eny rey, le ho zay koa sary rey. Filio ze andinin-teny hovakinao, bakeo iaraho midiniky. Natao fanontanea lohateny reo, ka aboaho soa hoe mamaly ani-fanontanea rey lohatenikely natao soratsy matevy reo

• Laha misy efajoro hoe “Raha Soa Azonao Atao” ty eo, le vakio na ampamakio azy. Ampirisiho ie mba hanaraky ze soso-kevitsy ao