Mandinisa Avao, le Manàna Fahareta

Fa liany nombia iha ro nandiny ty fiaviani-Fanjakà-Ndranahary? Niaritsy avao va iha ndre nisy raha sarotsy? (Ro 8:25) Misy Kristiana sisany halan’olo, ampijalỳ, gadrà, na vonoa mihintsy aza. Maro koa ty ampijalin’arety miteza na mihaantitsy.

Ino ty hanampy antsika hahaliny avao ndre ino ndre ino ty raha sarotsy tojiky antsika? Mila vakintsika sanandro ty Baiboly le vetsevetsentsika ze raha vakintsika amy zay hatanjaky ty finoantsika. Mila mifantoky amy ty raha tamanintsika tsika. (2Ko 4:16-18; He 12:2) Mila misoloho amy Jehovah tsika, le mangataky ty herini-fanahy masiny. (Lk 11:10, 13; He 5:7) Afaky manampy antsika “hiaritsy tanteraky sady hahaliny noho ho falifaly” Babantsika be fitiava iny.—Kl 1:11.

HENTEO TY VIDEO HOE TSY MAINTSY ‘MILAY AMIM-PIARETA’ TSIKA: ANOVO AZO ANTOKY HOE HO AZONAO LOKA INY, BAKEO VALEO FANONTANEA RETOA:

• 

  Ino iaby ty raha “tsy ampoizy” mety hiseho amy fiainantsika? (Mpto 9:11)

• 

  Manino ro manampy antsika ty vavaky lafa tojiky raha sarotsy tsika?

• 

  Laha tsy manahaky ty taloha sasy ty vitantsika amy fanompoa ani-Jehovah, manino tsika ro tokony hifantoky amy ze mbo azontsika atao?

• 

  Ino ty hanampy anao hatòky avao hoe ho azonao loka iny?