TY FIAINANTSIKA KRISTIANA
Manampy Antsika Hiaritsy Maharary Jehovah
Maro ty raha sarotsy andalovantsika amy andro farany toy. Kindraiky aza tsika mety hahatsapa hoe fa tsy zakantsika sasy ty problemontsika. Fe laha miezaky hifandramby marìny amy Jehovah avao tsika, le hanampy antsika ie. Ho vitantsika ty hiaritsy ndre maharary marè aza ty raha mahazo antsika. (Is 43:2, 4) Ino ty hanampy antsika hifandramby marìny amy Jehovah lafa miatriky raha sarotsy?
Vavaky. Lafa aboakintsika amy Jehovah ty am-pontsika ao, le hampeany tsika mba hilamin-tsay noho hana herim-po hiareta.—Fi 4:6, 7; 1Te 5:17.
Fivoria. Misy hany ara-panahy baka amy Jehovah, noho nama azontsika ifandrambesa am-pivoria any. Vomaiky tena ilàntsika raha reo henanizao. (He 10:24, 25) Lafa tsika manoma, manatriky, noho mandramby anjara amy fivoria, le tena hanampy antsika ty fanahini-Jehovah.—Ap 2:29.
Fanompoa. Ho mora amintsika ty hifantoky amy raha mampahery avao laha manao ze azontsika atao tsika mba hanompo tsy tampaky. Vomaiky koa tsika hifandramby marìny amy Jehovah noho ty mpiaraky miasa amintsika.—1Ko 3:5-10.
HENTEO TY VIDEO HOE HO RAMBESINI-JEHOVAH HO ANANY IHA, BAKEO VALEO FANONTANEA RETOA:
Ino ty nanampy ani-Malu hifankarìny amy Jehovah avao lafa ie niatriky raha sarotsy?
Manahaky ani-Malu, manino ro mampahery antsika ty raha resahini-Salamo 34:18 lafa tsika miatriky raha sarotsy?
Manino ty tantarani-Malu ro ahitantsika hoe manome antsika “hery mandilatsy ty ahin’olombelo” Jehovah lafa miatriky raha sarotsy tsika?—2Ko 4:7