Ino ty Hataon’ny Fanjakà-Ndranahary mba Hanafaha ty Problemo amy Tontolo Iaina?

“Miteraky problemo maro ho ahin’olombelo, ty tanà, ty raha mitiry voho ty biby ty fikorontanan’ny toets’andro. Vomaiky mihamanjeky ty siklony vokatsin’ny fikorontanan’ny toets’andro, ka mandrava tranon’olo maro noho ty asa fivelomany. Lasa mafana marè koa ty anaty riaky any, ka maro ty biby atahora ho ripaky.”​—Inger Andersen, sekretera zeneraly mpanampy amy Fandaharan’asan’ny Firenena Mikambana Mikasiky Tontolo Iaina, 25 Ziè 2023.

Ho vitan’ny fanjakà va ty hiaraky hiasa mba hanafaha an’ny problemo amy tany toy iaby reo? Afaky hanome hevitsy maharitsy hamahà ani-reo va rozy?

Miresaky ty Baiboly fa misy fanjakà raiky afaky manafaky ty problemo amy resaky tontolo iaina sady tena hanao ani-zay. Resahiny ao hoe ‘hanory fanjakà raiky azy Ndranaharin’ny Lanitsy iny,’ le fanjakà raiky handay an’ny tany toy iaby noho hamaha ty raha manahira. (Daniela 2:44) Lafa manday fanjakà io, le tsy hisy olo “hanao raty” amy ty hafa na “hanimba raha” amy tany toy eto.​—Isaia 11:9.