Manao Asa Misionera va ty Vavolombelo Jehovah?

Eka. Miezaky hana ty toe-tsay misionera zahay Vavolombelo Jehovah iaby iaby, ndre aia ndre aia ty misy anay, ka mitory tsy tampaky, manambara ty finoanay amy ze olo hitanay.​—Matio 28:19, 20.

Ankoatsy zay, le misy Vavolombelo Jehovah mandalo na mifindra amy tanà hafa amy tany misy azy eo, mba hahareza ty olo maro amy tanà iny ao ty vaovao soa baka amy Baiboly ao. Mifindra amy tany hafa ty sisany mba hampitombo ty fanompoany. Falifaly rozy fa nandramby anjara amy fanatanteraha ty faminania nivolany Jesosy iny, hoe: “Ho vavolombeloko ... amy faritsy lavitsy amy tany toy any nareo.”—Asan’ny Apostoly 1:8.

Tamy 1943, le natomboky ty sekoly fampiofana manoka natao ho ahy ty sisany amy misioneranay reo. Nanomboky tamy zay, le Vavolombelo Jehovah 8000 mahery ro nanatriky sekoly io. Sekoly Mifototsy amy Baiboly Gileada ro ahaiza ty maro azy.