Misy Filma, Boky na Hira Andrarà ty Vavolombelo Jehovah va?

Aha. Tsy mandiniky ty filma, boky na hira kiraidraiky ty fandaminanay mba hanomeza fitsipiky hoe azy manao akory iny ro tsy tokony hohentea na hojanjiny. Ino ty antony?

Mampirisiky ty olo kiraidraiky hanazatsy ty ‘fahaizany mandiniky’ ty Baiboly mba hahaizany manavaky ty soa noho ty raty.—Hebreo 5:14.

Manampy ty Kristiana hahay handanjalanja ty torolala amy soratsy masy ao, lafa mifily fialamboly.a Ka amy ty raha iaby amy fiainanay, le ‘ataonay hay soa avao ze tea Tompo.’​—Efesianina 5:10.

Mampianatsy ty Baiboly fa ty loham-pianakavia ro manam-pahefà an-trano ao. Midika raha zay, fa ty loham-pianakavia ro afaky mifily ze fialamboly tsy tokony hatao ty fianakaviany. (1 Korintianina 11:3; Efesianina 6:1-4) Fa lafa tsy anaty fianakavia ao, le tsy misy olo mahazo alala handrara ty hafa amy filma, hira, na mpihira raiky, ka hanao ho zao hoe tsy mety aminolo amy fiangona ao io.​—Galatianina 6:5.