FANAJARIA BOKY ahi-ty Vavolombeloni-Jehovah
FANAJARIA BOKY
ahi-ty Vavolombeloni-Jehovah
Vezo
  • BAIBOLY
  • BOKY
  • FIVORIA
  • my tant. 24
  • Notsapàn’i Josefa Rahalahine Reo

Tsy misy video mikasiky an'io ty atoa.

Miala tsiny, misy tsy mety amy fandefasa video io.

  • Notsapàn’i Josefa Rahalahine Reo
  • Boky Misy Tantara Baka amy Baiboly
  • Mitovitovy Aminy
  • Tsy Nanalino ani-Josefa Mihintsy Jehovah
    Hahay Raha Maro ze Mianatsy Baiboly
  • Tsy Tea An’i Josefa ty Rahalahine
    Boky Misy Tantara Baka amy Baiboly
  • Nifindra Ta-Ejipta ane ty Fianakavia
    Boky Misy Tantara Baka amy Baiboly
  • Andevo Raiky Nanoriky ty Safà-Ndranahary
    Hahay Raha Maro ze Mianatsy Baiboly
Boky Misy Tantara Baka amy Baiboly
my tant. 24

Tantara 24

Notsapàn’i Josefa Rahalahine Reo

TEAN’I Josefa ho hay laha mbo raty fanahy avao zokine folo mirahalahy reny. Hoy ty asane: ‘Mpitsikilo nareo. Teanareo ho hita hoe ino ty antone mampalemy ty taninay.’

‘Aha, tsy mpitsikilo zao zahay’, hoy ty asan-droze. ‘Olo marina zahay. Mpirahalahy iaby zahay. Misy 12 mirahalahy zahay, fe fa tsy eo ty raike, voho ty zainay faralahy amy babanay ane.’

Fe nanao sary tsy natoky an-droze Josefa. Nogadràne Simeona, raike tamy rahalahine reo, fa ty sasane nengàne hangalake hany, sady nalefane noly. Le novolànine roze hoe: ‘Laha fa mimpòly nareo, le andeso miarake aminareo zainareo faralahy zao.’

Laha fa nimpòly ta-Kanana tany roze, le notantaràn-droze tamin’i Jakoba iaby ty raha niseho. Nalahelo biby Jakoba, sady nivòla hoe: ‘Josefa fa tsy eo sasy, henany zao koa Simeona fa tsy eo, ka tsy hengàko handesinareo any Benjamina.’ Fe laha fa nanomboke nihalàny ty hanin-droze, le nengàn’i Jakoba nandesy ta-Ejipta tany avao Benjamina mba hahafahan-droze hahazo hany maro.

Ndreny fa hitan’i Josefa avy bakao ty rahalahine. Faly bibike ie laha fa nahita an’i Benjamina, zaine faralahy. Fe tsy nisy ndre raike tamin-droze nahay fa, Josefa olo mana toera anabo io. Hisy raha hataon’i Josefa henany zao mba hitsapàne rahalahine folo, tsy reny raike amine reo.

Novolànin’i Josefa ty mpanompone mba hameno hany kitapo rahalahine reo. Fe tsy nataon’i Josefa ho hay rahalahine reo hoe nampilitse ty kôpine volafoty, anazy manòka, tamy kitapon’i Benjamina tao ie. Laha fa nandeha roze, ka fa lasa lavidavitse teo, le nalefan’i Josefa nanarake an-droze ty mpanompone. Laha fa nahatratsy an-droze mpanompon’i Josefa reny, le nivòla hoe: ‘Nanino nareo nangalatse kôpy volafoty tomponay iny io?’

Niarake nivòla rahalahine reny hoe: ‘Tsy nangalatse ty kôpine zahay, fa laha misy aminay ahatratsiranareo raha zay, le vonò.’

Nosavà mpanompo reo iaby kitapo reny, ka nihitan-droze tanaty kitapon’i Benjamina tao kôpy iny, arake ty hitanao amy sary eto io. Nivòla mpanompo reny hoe: ‘Afake mandeha iaby nareo, fa Benjamina miarake mimpòly aminay.’ Ino ty hataon-droze folo mirahalahy reo henany zao?

Niarake nimpòly tamin’i Benjamina tan-tranon’i Josefa tany iaby roze. Hoy Josefa tamy rahalahine reo: ‘Mahazo mandeha moly iaby nareo, fa Benjamina raike avao ro mijàno etoa hataoko andevo.’

Hoy Joda: ‘Laha tsy mimpòly miarake amiko an-trano ane ie le ho maty babako zay, satria teane bibike Benjamina. Ka mba mangatake aminao lahy aho, engào zaho ro ho andevonao, fa engào ajà io holy.’

Hitan’i Josefa fa niova rahalahine reo, fa tsy raty fanahy manahake ty taloha sasy. Ndao ho henteantsika hoe ino ty raha hataon’i Josefa henany zao.

Genesisy 42:9-38; 43:1-34; 44:1-34.

    Fanajaria Boky Vezo (2001-2025)
    Hiboaky
    Hilitsy
    • Vezo
    • Hizara
    • Hamboamboatsy
    • Copyright © 2025 Watch Tower Bible and Tract Society of Pennsylvania
    • Fifanekea
    • Fifanekea Mikasiky Sekirè
    • Hanova Fifanekea
    • JW.ORG
    • Hilitsy
    Hizara