Ino ty Mahasambatsy ty Fianakavia?

HO ZAO TY VOLANY TY BAIBOLY

“Ze mijanjy ty safà Ndranahary noho manoriky raha zay ro sambatsy!”—Lioka 11:28, Fandikan-teny Tontolo Vaovao.

INO TY RAHA SOA HO AZONAO?

Hifankatea vatany.—Efesianina 5:28, 29.

Hifanaja soa.—Efesianina 5:33.

Hilamin-tsay.—Marka 10:6-9.

AZO INOA VATANY VA TY RAHA VOLANY TY BAIBOLY?

Eka, misy antony roe retoa:

• Mpamoro ty fianakavia Ndranahary. Mivola ty Baiboly fa Jehovah Ndranahary ro “nahazoa ty fianakavia iaby. . . anara.” (Efesianina 3:14, 15) Midika zay, fa afaky hifanara-kevitsy ty fianakavia satria niforòny Ndranahary. Manino ro soa ty mahay raha zay?

  Toy misy ohatsy: Laha nihina laoky matsiro iha ka teanao ho hay ty fiketreha azy, ia ty hanontaneanao? Mazava ho azy fa olo niketriky azy iny.

  Mitovy amy zay koa fa laha ta hana fianakavia sambatsy tsika, le soa laha Jehovah, azy Mpamoro ty fianakavia iny ro tamanintsika hahazoa raha zay.—Genesisy 2:18-24.

• Midary anao Ndranahary. Mety ty atao ty fianakavia laha mila ty torohevitsy Ndranahary, ameany amy Baiboly ao. Ino ty antony? “Satria mikarakara anareo ie.” (1 Petera 5:6, 7) Tea Jehovah ho soa nareo. Mahasoa avao ty torohevitsy ameany!—Ohabolana 3:5, 6; Isaia 48:17, 18.