Mbo ho Tampitsy Avao va ty Fijalea?

HO ZAO TY VOLANY TY BAIBOLY

‘Hofafà Ndranahary ty ranomaso iaby amy ty mason-drozy, ka tsy hisy fahafatesa sasy, sady tsy hisy sasy ty alahelo, na ty fitaraina, na ty raha mahararirary.’—Apokalypsy 21:3, 4, Fandikan-teny Tontolo Vaovao.

INO TY RAHA SOA HO AZONAO?

Mahazo antoky fa tsy baka amy Ndranahary ty raha manahira antsika.—Jakoba 1:13.

Mahazo fampahereza baka amy ty fahaiza hoe ferinesa Jehovah tsika lafa mijaly.—Zakaria 2:8.

Mitamà fa ho tampitsy ty fijalea iaby.—Salamo 37:9-11.

AZO INOA VATANY VA TY RAHA VOLANY TY BAIBOLY?

Eka, misy antony roe retoa:

• Malay ty fijalea noho ty tsy rariny Ndranahary. Eritsereto hoe nanao akory Ndranahary lafa nisy nampijalijaly ty vahoakiny tamy andro taloha. Mivola ty Baiboly fa nalahelo ie lafa nisy “nanositosiky an-drozy mbetia mberoa.”—Mpitsara 2:18.

  Le vatany hala Ndranahary ty olo mampijaly ty olo hafa. Mivola, ohatsy, ty Baiboly fa halany “ty tana mandatsaky ty lio ty tsy manan-tsiny.”—Ohabolana 6:16, 17.

• Mikarakara antsika kiraidraiky Ndrahanary. “Samby mahay ty fahasahiranany noho ty fijaleany” ty olo kiraidraiky, fe tsy ie avao ro mahay raha zay fa Jehovah koa!—2 Tantara 6:29, 30.

  Tsy ho ela le hampiasa ty fanjakany Jehovah mba hanampera ty fijalea ty olo kiraidraiky. (Matio 6:9, 10) Zisiky hiavia raha zay, le karakaràny soa ze olo mila azy vatany.—Asan’ny Apostoly 17:27; 2 Korintianina 1:3, 4.