Ino Fanjakà Ndranahary Zao?

HO ZAO TY VOLANY TY BAIBOLY

“Azy Ndranahary ty lanitsy iny, le hanory fanjakà tsy ho rava zisiky farany.”—Daniela 2:44, Fandikan-teny Tontolo Vaovao.

‘Anakajà lahilahy ro namea antsika, le tsy hisy fahatamperany ty fahefàny.’—Isaia 9:6, 7.

INO TY RAHA SOA HO AZONAO?

• Hanao ty marina fanjakà io, ka handay hasoava ho ahinao. —Isaia 48:17, 18.

• Ho sambatsy noho salama soa iha amy tontolo vaovao ao. —Apokalypsy 21:3, 4.

AZO INOA VATANY VA TY RAHA VOLANY TY BAIBOLY?

Eka, misy antony roe retoa:

• Ty vatatena Jesosy mihintsy ro nanambara ty raha hatao Fanjakà Ndranahary. Nampianary Jesosy hivavaky ty mpianatsiny hoe: “Ho avy lahy ty Fanjakànao! Hatao an-tany etoy lahy ty sitraponao.” (Matio 6:9, 10) Natorony koa hoe ino ty raha hiseho lafa tanteraky raha zay.

  Nanao raha maro Jesosy, tamy ie tan-tany tetoy. Nameany hany ty mosarè, nitahàny ty marary, le mbo nivelominy koa ty maty! (Matio 15:29-38; Jaona 11:38-44) Fa natorony sandrany tamy zay, ty raha soa hataony ho ahy ty vahoakiny, lafa ho Mpanjaka ty Fanjakà Ndranahary ie.—Apokalypsy 11:15.

• Laha hentea ty haratia fiaina toy, le hita hoe fa marìny vatany Fanjakà io. Fa nivola Jesosy hoe hisy aly noho mosary voho horohoron-tany ty etoy lafa marìny handay tany toy Fanjakà iny.—Matio 24:3, 7.

  Fa hitantsika raha rezay henanizao. Ka zay ro mahavy antsika tsy hisalasala fa sisa kely le hangalaky ty raha iaby manahira antsika ty Fanjakà Ndranahary.