Hajao ty Olo Iresahanao

Ino ty Nataoni-Paoly?

VIDEO: Paoly Mitory amy Atenianina Rey

1. Henteo VIDEO io, na vakio Asan’ny Apostoly 17:22, 23. Bakeo diniho fanontanea retoa:

1. Nanao akory Paoly lafa nahita ty raha nataoni-fivavahan-diso ta Atena ao?​—Henteo Asan’ny Apostoly 17:16.

2. Akory ty nampisehoani-Paoly hoe nanaja ani-Atenianina rey ie lafa niresaky ty vaovao soa tamin-drozy?

Ino ty Ianarantsika Baka amy Paoly?

2. Hijanjy antsika ty olo laha mahay mifily ty raha hovolanintsika tsika, sady mandiniky soa hoe akory ty hivolana ani-raha iny, le ombia tsika ro hivola azy.

Tahafo Paoly

3. Filifilio soa ty raha hovolaninao. Lafa miresaky amin’olo tsy Kristiana, ohatsy, iha le mety mila manova ty fomba fampiliranao andinin-teny na ty fomba ikaihanao ani-Jesosy.

4. Ka avy le volany olo iny hoe diso raha volaniny iny. Engao hampiboaky ty hevitsiny ie. Ka mialy hevitsy aminy laha ohatsy ka mivola raha mifanohitsy amy fampianarani-Baiboly ie. (Jak. 1:19) Janjino soa ie. Laha manao ani-zay iha, le ho hainao ty raha inoany noho ty antony mahavy azy mino ani-raha iny.​—Ohab. 20:5.

5. Henteo hoe ino ty hevitsy itovizanareo, le derao ie laha azo atao. Mety tena matoky olo iny hoe marina ty raha ampianarini-fivavahany. Ilao ze raha itovizanareo hevitsy le iny ro resaho, bakeo ampeo ie mba hahay ze tena ampianarini-Baiboly.