Hasoavo ty Fanompoanao: Itorio ty Karazan’Olo Iaby amy Faritany Eny

MANINO RO TENA ILÀ? Naminany Zakaria fa hisy olo samby hafa fivolana baka amy firenena iaby handramby ty vaovao soa. (Za 8:23) Ka ia ty hampianatsy an-drozy? (Ro 10:13-15) Mana tombontsoa noho andraikitsy hizara ty vaovao soa amy karazan’olo iaby amy faritany eny tsika.—od 84 § 10-11.

AKORY TY HANAOVA AZY?

• Miomana. Manao akory laha tojiky olo manao fivolana hafa iha? Mianara fomba fitoria tsotra baka amy JW Language ao. Na atorò azy amy telefoninao hoe akory ty hahazoany fanazavà maromaro baka amy jw.org, amy safàny.

• Ka tandrena. Lafa mitory santrano iha, le hararaoto iaby ze fahafahanao hitory amin’olo mandalo na mijano an-dala eny. Laha manao fitoria anjavalala iha, le ka halino fa hitory ro raha kendrenao.

• Ka kivy. Anovo avao ze hifandrambesa amin’olo tsy nitratsy an-trano. Amy ze trano itorianao, le manaova ezaky mba hiresaha amin’olo ao. Azo atao, ohatsy, ty mamonjy azy amy lera hafa na amy andro hafa amy herinandro. Mety mila anorata ty olo sisany, na kaihy an-telefony, na itoria an-dala.

• Ka mieny. Mimpolia malaky mba hanohy ty resaky natao tamin’olo kinto. Laha manao fivolana hafa ie, le milà olo afaky manampy azy amy fivolanany. Tokony hitsidiky azy avao iha laha mbo tsy misy mpitory mifampiresaky aminy amy safàny.—od 94 § 39-40

HENTEO TY VIDEO HOE MITORY “AMY FARITSY LAVITSY MARÈ AMY TANY TOY”, BAKEO VALEO FANONTANEA RETOA:

• 

  Ino ty fiomana nataoni-rahalahy noho anabavy rey mba hahafahan-drozy mitory amin’olo amy faritsy mitoka any? (1Ko 9:22, 23)

• 

  Ino ty raha sarotsy nila niresen-drozy?

• 

  Ino ty raha nahafalifaly an-drozy?

• Ino ty ezaky mila ataonao mba hahafahanao mitory amin’olo maro amy faritany eny?