Voalamy Mba Hitory Amin’Olo Iaby

Alamini-Jehovah manahaky ani-Israelita rey ty vahoakiny henanizao mba hanao ty raha teany. Miaraky miasa, ohatsy, ty sampana, faritsy, fiangona, noho antoko-mpitory amy tany toy iaby, mba hahafaha hitory ty vaovao soa. Tsy mifilifily olo itoria tsika fa lafa kila olo iresahantsika, ndre olo manao fivolana hafa aza.—Ap 14:6, 7.

Fa nieritseritsy hianatsy safà hafa va iha mba hanampea olo hianatsy ty fahamarina, fe tsy manam-potoa hanaova ani-zay? Ka ino ty azonao atao? Afaky mampiasa JW Language iha. Misy raha tsotra maromaro azo ampiasà amy fanompoa ty ao. Lafa mampiasa ani-raha zay amy fanompoa eny iha, le ho falifaly manahaky mpiara-manompo tamy taonjato voalohany rey. Nitseriky ty olo baka an-tany hafa any lafa naharè “ty asa bevata natao-Ndranahary” amy fivolanan-drozy.—As 2:7-11.

HENTEO TY VIDEO HOE MINAMÀ AMY JEHOVAH: MITORIA AMIN’OLO MANAO FIVOLANA HAFA, LE BAKEO VALEO FANONTANEA RETOA:

• 

  Ombia iha ro mety hampiasa ty JW Language?

• 

  Ino ty raha mampiavaky ty JW Language?

• 

  Ino iaby ty safà ampiasan’olo amy faritaninareo eny?

• Ino ty tokony hataonao laha misy olo manao fivolana hafa kinto amy hafatsini-Fanjakà iny?—od 100-101 § 39-41